Келшымаш
+10 °С
Пылан
Все новости
Тӱрлӧ
5 Апрель , 15:43

Вўдшор пагытлан ямде улыт

РДК ончылсо площадьыште техосмотр организованно эртен

Вўдшор пагытлан ямде улыт
Вўдшор пагытлан ямде улыт

Ик шошо кечын РДК ончылсо площадьыш спецтехникым конден теменыт. ЧС РС-н Башкирский подсистемын Мишкан районысо организаций-влак шошо вўдшор да пожар лийын кертме лўдыкшє жапыште чрезвычайный ситуацийым корандымаште участвоватлышаш техникым радам дене шогалтеныт.

Комиссий шке пашажым тўналын. Комиссийын составыштыже лийыныт: председатель - район администраций вуйлатышын чонымо паша да жизнеобеспечений шотышто заместительже Д. Рысаев, председательын заместительже - 87-ше пожарный частьын начальникше С. Вялов, комиссийын секретарьже - муниципалитет администрацийын ГО да ЧС шотышто тўн специалист В. Русинов, райцентрысе организаций ден предприятий-влакын представительышт.

Комиссий член-влак шке выступленийыштышт тўн верым звенон мобильностьшылан да кеч-могай чрезвычайный ситуаций годым - сельский поселенийлаште вўдшор ташлыме годым, гидротехнический сооруженийым, пўям, инженерный сооруженийым ямдылымаште да молат - ямде улмыштлан ойыреныт. Тиддеч посна выступатлыше-влак вўдшор йымак логалшаш АПК объект-влакым палемдыме, тушечын ен-влакым да вольыкым эвакуироватлаш верым ямдылыме, нунын дене кылым ыштыме йодышлам тарватеныт. Тиде мероприятий эше ик гана пенгыдемден, кеч-могай чрезвычайный ситуаций годымат стихийный энгеклан моткоч сайын ямдылалтме. Тидыжым текшырыме годым сай оценкым налме пенгыдемден. Техосмотрышто сай могырым палемдалтыныт да кўкшє оценкым налыныт:

«Мишкан ЦРБ» БР-се ГБУЗ, «Мишкан ПЖКХ» ООО, «Башавтодор» ОАО-н филиалже Мишкан ДРСУ, «СтройПроект» ООО, «Газпром газораспределение Уфа» ОАО-н Бирск оласе филиалже Мишкан КС, «Башкирэнерго» ООО ЦЭС-ын Мишкан РЭС-ше, Мишкан ветстанций, Россий МВД-н Мишкан районысо отделже, ОГИБДД, Мишкан районысо связь узел, 26-шо пожарный часть да моло организаций ден предприятий-влак. Нуно чыланат вўдшор пагытлан да пожар лийын кертме лўдыкшє жаплан тўрыснек ямде улмыштым ончыктеныт. Мишкан сельский поселенийын мехотрядше да добровольный пожарный дружиныже поснак сайын ямдылалтын. Сельский поселений отряд ий гыч ийыш виянын, кугемын толеш. Районный комиссийын вуйлатышыже-влак Д. Рысаев, С. Вялов, В. Русинов палемденыт, ий еда техникылан осмотрым эртараш подразделений кўлынак ямдылалтеш. Икте куандара, экономический нелылык-влак вашлиялтыт гынат, подразделений-влак спецтехникым эре тўзыкыштє да ямде улмаште кучаш йєным муыт. Осмотрышто посна верым тенийсе вўдшор жаплан ойырымо. Район администрацийын ГО да ЧС шотышто тўн специалист В. Русинов палемден, районысо вўд объектлаште обстановка стабильный, кугу лўдыкшє лийшаш огыл. Ятыр ий эскерыме гыч раш, вўдшор Пўрєвўд да Тєргым энерлаште шарлен кертеш. Нине вер-влак пале улыт. Шошо вўдшор южын температурыжо палынак ыраш тўналмеке, утларакшым апрель кыдалне, лийын кертеш. Энер-влак 8 апрельыште почылташ тўналыт да 19 апрель марте шуйнен кертыт. Вўдшор кугу лийме годым кум ялыш вўд шарлен кертеш: Пўнчер (Тєргым энер) - 28 илыме пєрт, 75 ен; Кемий (Пўрщвўд энер) - 20 илыме порт, 64 ен; Сабай (Пўровўд энер) - 8 илыме пєрт, 10 ен.

Производственный, социальный объект-влак, вольык шўгар-влак вўд ташлыме верыш огыт логал. Вўдшор годым ен-влакым эвакуироватлаш кум верым ямдылыме: Пўнчер тўп общеобразовательный школ - 60 енлан, Кемий кыдалаш школ - 380 енлан, Янагуш тўп общеобразовательный школ - 160 енлан.

Мишкан районышто тыгай гидротехнический сооружений-влак улыт: Кугу Шаде ялыште пўя (IV класс), Кугу Шаде сельсовет СП администрацийын балансыштыже улеш; Куван энер пўя (IV класс), Ирсай сельсовет сельский поселений администрацийын балансыштыже. Шошо вўдшор годым пўя сер гыч вўд ок лек да ок шарле. Вўдшор жапыште районышто санитарно-гигиенический да противоэпидемиологический мероприятий-влак эртаралтыт (БР-се гигиена да эпидемиологий рўдер).

Вўдшор пагытлан ямде улыт
Вўдшор пагытлан ямде улыт
Автор:Вениамин Кондогин