Келшымаш
+7 °С
Пылан
Все новости
Тӱрлӧ
5 Апрель , 15:21

Алал кумылан мастар-влак

Кажне профессийын шке ойыртемже уло

Алал кумылан мастар-влак
Алал кумылан мастар-влак

Парикмахер пашам искусствын ик видше манаш лиеш.Уста парикмахерын кидыштыже айдеме йºршын вес сыным налеш.

Светлана Зыкова парикмахер профессийыште 17 ий тырша. Йочаж годым тудо курчак-влаклан прическым ышташ йºратен. Школышто пырля тунемме ўдыр-влакын ўпыштым пунаш келшен. Светлана, школым тунемын пытарымеке, документшым Бирск оласе профколледжыш пуэн.

- Парикмахерлан тунемаш пеш онай ыле, - шке ойжо дене полалтеш ўдыр. – Студент жап ушеш эн сай шарнымаш жап семын кодын. Тунамсе эртыше пагытым кызытат шокшо кумыл дене шарнен илем. Мишкан селан Быт портыштыжо стажировкым эртышым. Училище деч вара тушкак портыльым да петыралтмешке, 5 ий пашам ыштышым.

Калыклан паша верым ситарыме рўдерыште учетышто шогымыж годым, Светлана Зыкова парикмахерский паша дене квалификацийым нолталме курсым эртен. Сертификатым налмеке, Наталья Айметован моторлык салонышкыжо пашаш тўналын да ныл ий парикмахерлан тыршен. 2020 ийыште шке пашам тўналаш шонен пыштен. Шке салонжылан «Светлана» лўмым пуэн. Пашам ышташ шке йолташ ўдыржым Светланам ўжын.

Коллегыже нерген Светлана тыгеракын ойла: «Светлана Айгишева пеш кугу опытан да шке пашажым йоратыше специалист улеш, тудо чыла денат вашкылым муеш. Мемнан пашаштына ик тўн цель – клиентна-влак салон гыч кумыл нолтын лекшаш улыт. Кунам нуно мемнан пашаланна тауштат, тиде эн кугу награда.

- Парикмахерын профессийыштыже могай качествым те тўнлан шотледа? – йодышлан, уста парикмахер-влак тыгеракын вашештышт: эн ондакшым сай шижмаш, пўсо шинчаончалтыш да тўткылык лийшаш улыт. Кажне айдеме шке койышан да моторлык шомакымат кажныже шке семынже умыла. Тыште психологийым палымаш кугу верым налеш.

Светлана Зыкова ден Светлана Айгишева «кўлеш толкыным» сайын шижын да кучылтын моштат. Нунылан айдемын парикмахерский гыч корго куанлык да шыргыжалын тауштен кайымыже нимо деч шерге да кумылым нолталше полек.

Автор:Светлана Тоймурзина