Келшымаш
-3 °С
Пылан
Все новости
Тӱрлӧ
17 теле 2021, 14:26

Самырык армеец лийыныт

Шукерте огыл Ирсай ялысе А. Искандаров лўмеш школышто тунемше-влакым «Самырык армий» всероссийский военно-патриотический движений радамышке приниматленыт.

Самырык армеец лийыныт
Самырык армеец лийыныт

Тунемше-влак радам дене шогалмеке, спортзалышке Государственный флаг ден «Самырык армийын» тистыжым торжественно пуртымо. Тылеч вара Россий Федерацийын да Башкортостан Республикын гимнышт йоҥгалтыныт.
Самырык армеец-влакым торжественный событий дене Мишкан район МР администраций вуйлатышын икымше заместительже Л. Александрова, Мишкан да Бурай районласе военный комиссар С. Васильев, Мишкан районысо пашан, Вооруженный Вийын да законым аралыше-влак органын ветеранже-влак совет председатель Ю. Балахнина, Ирсай кыдалаш школ директор А. Назмиев да «Путник» йоча-юношеский туризм, экскурсий да патриоический воспитаний рўдер директор В. Князев саламленыт.
Салам шомакым колыштмеке, самырык гвардеец-влак шочмо элын интересшым ўшанлын арлаш, патриот да Российын чын гражданинже лияш товатмутым пуэынт. Тылеч вара военный комиссар С. Васильев 25 ўдыр-рвезылан «Самырык армеец» знакым кучыктен.
Тыге районыштына «Самырык армий» всероссийский военно-патриотический движений радам эше 25 еҥлан артен.
Д. АЛИЕВА, «Путник» ЦДЮТ ДО МБУ-н методистше.

Самырык армеец лийыныт
Самырык армеец лийыныт
Автор:Фирдаус Кадикова