Келшымаш
-9 °С
Лум
Все новости
Тӱрлӧ
10 теле 2021, 15:43

«Тўшкан курыкымат савыраш лиеш»

Новотроицкий сельсовет СП 2021 ийыште верысе инициативылан полшымо программа дене шуктымо пашам иктешлен да у проектым ойырен.

«Тўшкан курыкымат савыраш лиеш»

Новотроицкий сельсовет СП 2021 ийыште верысе инициативылан полшымо программа дене шуктымо пашам иктешлен да у проектым ойырен.
Верысе инициативылан полшымо программа полшымо дене школлан 19 тӧрзам налме. Мишкан район МР администраций вуйлатышын финанс йодыш дене заместительже - финанс управлений начальник З. Шамсутдинова район вуйлатыше лўм дене школ вуйлатыше Д. Охезин ден инициативный группын председательже В. Осиповлан Тауштыме серышым кучыктен.
Новотроицкий ялыште илыше-влак лўм дене ППМИ-2021 проектлан окса дене полшышо чыла еҥлан кугу таум каласем, - манын Новотроицкий сельсовет СП вуйлатыше Л. Чухнина. - Тендан полшымыда да Башкортостан правительствын полышыж дене Новотроицкий школышто 19 тєрзам уэмдыме. Ме, ялыште илыше-влак, эше ик гана рашемдышна, решатлаш лийдымыла чучшо проблемымат тўшка вий дене сеҥаш лиеш улмаш. ППМИ программыште ме кок гана участвоватленна. Ынде 2022 ийыште тиде программа почеш могай пашам шуктышашым рашемдаш кўлеш.
Школын кугу да йоҥгыдо спортзалышкыже чумыргышо еҥ-влак 2022 ийыште ППМИ программыш ушнаш да Новотроицкий ял шўгарлам печылаш материалым налме верч йўкленыт.
Кызыт шўгарла йыр пече чот тоштемын. Тудо пу дене печылыме. А пу вашке шўэш, шуко вере тудо сўмырлен. Пу меҥге-влакат шўйын пытеныт. Шўгарла йыр печын укелыкше вольыклан тушто ласкан кошташыже йєным пуа. А вольык, ме чылан палена, шнуй верым ок умыло да шўгар-влакым, памятниклам локтылеш. Ял шўгарлаште Кугу Отечественный сар участник-влакын, пашан ветеранже-влакын курымашлык суртышт улыт. Мутат уке, ял калык кажне ийын шўгарлам эрыктыме шотышто субботникым эртара. Сўмырлышє пече-влакым чараклен шогалтат. Ты проблемым тўрыснек кораҥдышашлан ял калык 2022 ийыште ППМИ программыш ушнаш лийын.
- Ме ўшанена, мемнан ялыште шочын-кушшо да кызыт вес кундемлаште илыше-влакат ты проектыш шке надырыштым пыштат. Вет кугезына-влакым ме, илыше-влак, шарнен да уштен илышаш, курымашлык омо дене малыме верыштым ончышаш улына, - мучашлен Людмила Сергеевна.
Светлана
ТОЙМУРЗИНА.

«Тўшкан курыкымат савыраш лиеш»
Автор:Светлана Тоймурзина