Келшымаш
-7 °С
Лум
Все новости
Тӱрлӧ
3 теле 2021, 14:17

Корно, транспорт да ме

Йолешке - корно движенийын тўҥ участникше. Корнышто сусыргымаш ынже лий манын, профилактический паша кўрылтде шукталтеш гынат, йолешке-влакын участвоватлымышт дене лийше аварий-влак шукемын огытыл, но ончычсо кўкшытыштак кодыныт.

Корно, транспорт да ме

Йолешке - корно движенийын тўҥ участникше. Корнышто сусыргымаш ынже лий манын, профилактический паша кўрылтде шукталтеш гынат, йолешке-влакын участвоватлымышт дене лийше аварий-влак шукемын огытыл, но ончычсо кўкшытыштак кодыныт.
Тений латкудымшо майыште полицийын дежурный частьышкыже увер пурен: Бирск-Тастуба-Сатка корнышто йолешкым машина тошкен. Козаш ялыште илыше, легковой машинан водительже корнышко кенета куржын лекше еҥ ончылан чарнен шуктен огыл. Машина дене ваш тўкнымыжлан кӧра йолешке чот эмганен да Бирский травматологийыште колен.
Аварий лиймын титакшылан арака шотлалтеш. Гражданин И. аракам шуко йўмылан кӧра корнышто тыгай «маневрым» ыштен. Тиде туткарлан кєра айдемын илышыже кўрылтын, машиналан материальный эҥгек ышталтын. А морально-этический аспект нерген ойлыманат огыл.
Кок тылзе гыч - 24 июльышто дежурный частьыш увер пурен: Пўнчер ял воктене Стерлитамак олаште илыше Н. автомашинам виктарышыла корно єрдыжыш лектын да кумыкталтын. Водитель да кум пассажирже Бирск оласе травматологийыш логалыныт. ДТП шотышто шымлымаш мия. Титаканым суд рашемда.
Вес случай. Тудо нигӧм ласка кумыл дене коден огыл. Тений нылымше сентябрьыште Ленинский-Кугу Шаде корнышто кок йолешке ўмбаке машина миен керылтын. Ик йолешкыже «Вашке полыш» толын шумеш верыштак колен, весыжым, нелын сусыргышым, Бирский больницыш наҥгайыме. Аварий йўд жапыште лийын. Йолешке-влакын ўмбалнышт тулым отражатлыше элементышт лийын огыл. Тиде факт почеш шымлымаш мия. Корнышто лийше инцидентлан акым суд пуа.
23 ноябрьыште ЕДДС-н диспетчерже деч ОВД-н дежурный частьышкыже Бажан воктене эҥгекыш логалше-влак улыт манме увер пурен. Оперативно-следственный мероприятий рашемден, Бирск олаште илыше Б. вучыдымын корным вончаш тўҥалын. Машинаш тўкнымыжлан кєра ўдырамаш чот сусырген, «Вашке полыш» толын шумеш верешак колен.
Россий МВД-н Мишкан районысо отделын ГИБДД отделенийже ушештара, РФ ПДД-н 14.1 пунктшо дене келшышын, транспортный средстван водительже регулироватлалтдыме йолешке корно деке лишемме годым корным вончышо йолешкылан корным пуышаш.
Корнышто коштмо правилын тиде йодмашыжым шуктыдымылан водитель РФ административный кодексын 12.18 статьяж дене келшышын 1500 гыч 2500 те‰ге марте штраф пышталтеш.
Корнышто коштмо годым йолешке-влак, аварий лиймашым иземдышашлан, тўҥ правилылым шуктышаш улыт: йолешке-влак тротуар дене але йолешке-влак коштмо корно дене коштшаш улыт, а тыгайже уке гын - корно тўр дене. Корно тўр дене але пычкемыш жапыште кайыме годым тулым отражатлыше элементышт лийшаш. Тудым водитель-влак тора гычак ужын кертыт.
Йолешке-влак корным пешеходный переход дене гына вончышаш улыт, тыгайже уке гын, корно-влак ушнымаште тротуар линий дене.
Регулироватлалтдыме пешеходный переходышто лўдыкшӧ укем умылымеке гына вончыман.
РФ КоАП-ын 12.29 статьян 1 ужашыштыже ончыктымо почеш, йолешкылан корнышто коштмо правилым пудыртымылан 500 теҥге штраф пышталтеш.
Б. БАГРАДЗЕ, Россий МВД-н Мишкан районысо отделын ГИБДД отделенийжын корнышто лўдыкшӧ деч посна коштмо пропагандым намийыше инспекторжо.

Корно, транспорт да ме
Автор:Фирдаус Кадикова