Келшымаш
-3 °С
Пылан
Все новости
Тӱрлӧ
3 теле 2021, 11:52

Авалан пӧлеклалтын

26 ноябрьыште Марий историй да тўвыра рўдерыште Ава кечылан лўмлалтше мероприятий эртен

Авалан пӧлеклалтын
Авалан пӧлеклалтын

Историй да тўвыра рўдерын фойештыже «Еш» йўдвел межрайонный рўдерын Мишкан районысо службыжын творческий пашаеҥже-влак Наталья Карелина ден Марина Аймурзина кумылан-влаклан «Солнышко для матери» да «Цветок Лилия для любимой матери» мастер класс-влакым эртареныт.
Залышке погынышо ава-влакым район администраций лўм дене Мишкан район администраций вуйлатышын икымше заместительже Лариса Александрова саламлен. Варажым награждений лийын. Еш, паша да калыкым социально аралыше министерствын, Мишкан район администрацийын Тауштыме серышыштым вич авалан пуымо. Тиде - Галина Вайсина (индеш йочам онча, шымытше ашнаш налме), Александра Осипова (вич йочам онча, кумытшо ашнаш налме), Олеся Алексеева (вич йочан ава), Анастасия Сайфутдинова (кум йочан ава), Вера Бикбаева (кок йочан ава).
Ава-влакым саламлыме мероприятийыште районысо Культура дворецын пашаеҥже-влак ямдылыме концерт программа ончыкталтын. Ончышо-влакым «Березка» вокальный ансамбль куандарен. Тыгак мурызо-влак Равия Саматова, Ирина Аликаева, Олеся Мусалина муро пӧлекым ыштеныт.
28 ноябрьыште Аван кечыже годым онлайн-концерт эртен. Ты кечын кӧ сайтышке пурен кертын гын, мемнан уста культура пашаеҥна-влакын выступленийыштым ончен кертыныт. Кызытсе технологийлан кӧра ты пайрем кечын чыла авалан салам шомак йоҥген. Концертын кажне номерже куаным конден. «Аваем» мурым Ирина Аликаева, «Вернись былинкой, мама» мурым Азат Ханов йоҥгалтареныт. Тыгак онлайн-концертыште Равия Саматова, Ильфак Арсланов, Светлана Каншаева, Анастасия Апекова, куштышо коллектив «Шанс», вокальный ансамбль «Березка» участвоватленыт. Концерт программым Станислав Салиев «Пой, родная» муро дене мучашлен.
Светлана ТОЙМУРЗИНА.

Авалан пӧлеклалтын
Авалан пӧлеклалтын
Автор:Светлана Тоймурзина