2020 ийлан налогым 1 декабрь марте тўлен шуктыман

Тидым ышташлан банке картын реквизитшым возыман, тыгак Россий ФНС-н иктаж партнёр банкшын ойнлайн-сервисше гоч тўлаш йӧн уло. Налог уведомленийыште посна QR- але штрихкод улыт, нуно тўлымӧ сомылым писын шукташ полшат. Интернет да тўрлӧ онлайн-сервис дене пайдаланен ода мошто гын, налогым банкыште, верысе администраций кассыште, почтышто але МФЦ-ште тўлаш лиеш.
Гражданин налогым жапыштыже огеш тўлӧ гын, налогым тўлымӧ жапын эрласе кечыж гычын (2021 ий 2 декабрь гыч) пени кушкаш тўҥалеш. Тудо кажне кечын кушкеш. Тыгай годым налоговый орган порысым петыраш посна уведомленийым колта. Гражданин йодмашым ок шукто гын, налоговый орган искым судыш колта. Тылеч вара порысым пєртылтыкташ судебный пристав-влак мият. Нуно тўрлӧ шыгыремдыме мерам кучылтын кертыт. Мутлан, порысан еҥын банк счетшым блокироватлат але арестоватлат, тыгак погыжым поген налаш правашт уло.
Гражданин тачысе кече марте налоговый орган гыч 2020 ийлан недвижимостьлан але транспортлан уведомленийым налын огыл да тидын годым налог деч утарыше нимогай льготыжо уке гын, тиде йодыш почеш налоговый инспекцийыш але МФЦ-шке миен кертеш. Йодмашым тыгак «Налогым тўлышын личный кабинетше» але «Обратиться в ФНС России» сервис гоч пуаш лиеш.
Тылеч посна, почта гоч колтымо налоговый уведомленийым, гражданинын кумылжо уло гын, тыгак кеч-могай налоговый органыште да МФЦ-ште налаш йӧн уло. Тидым ышташлан налогым тўлышӧ еҥ але тудын уполномоченный представительже йодмашым пуышаш. Йодмаш вич кече жапыште тергалтшаш.

Фирдаус КАДИКОВА.