Келшымаш
+19 °С
Пылан
Все новости
Тӱрлӧ
11 Кылме 2021, 15:57

Башкирийыште илыше-влак «Сеҥымаш Кожым» сўретлен У ий открыткын авторжо лийын кертыт

Сеҥымаш музей, Россий почта да Оксана Федорован благотворительный фондшо «Сеҥымаш Кожым» сўретле» («Нарисуй «Ёлку Победы») сўрет конкурсым увертарат.

Башкирийыште илыше-влак «Сеҥымаш Кожым» сўретлен У ий открыткын авторжо лийын кертыт
Башкирийыште илыше-влак «Сеҥымаш Кожым» сўретлен У ий открыткын авторжо лийын кертыт

Сеҥымаш музей, Россий почта да Оксана Федорован благотворительный фондшо «Сеҥымаш Кожым» сўретле» («Нарисуй «Ёлку Победы») сўрет конкурсым увертарат.
Конкурсышко 6 ияш деч кугурак кажне еҥ ушнен кертеш, нунын сўретышт 1945 ийысе сеҥымаш у ий темылан лўмлалтшаш. Конкурсант-влак сар жапыште кожым кузе сєрастарымым, кожеш сакыме модыш-влакым шке кидышт дене кузе ыштымым, У ий пайремлан икте-весыштлан мом пєлеклымым сўретлышаш улыт. Сўретыште тыгак «Сеҥымаш Кож» лийшаш. Сўрет жапын шўлышыжым почын ончыктышаш. Конкурсант-влак сўретым коча-куваваштын, кугезе кочаштын але куваваштын ойлымыштлан але ожсо фотографий-влаклан эҥертен сўретлен кертыт. Сўретлан негызым еш дене кылдалтше историй пыштен гын, тиде историй нерген изи ойлымашымат возаш лиеш.
Кеч-могай технологий дене сўретлыме пашам Сеҥымаш музейын сайтышкыже 2021 ий 28 ноябрь марте колтыман. Организатор-влак сўрет-влакым ийгот шотышто вич номинацийыште аклат: 6-8, 9-11, 12-14, 15-17 ияш-влак да 18 ий деч кугурак-влак (кугыеҥ-влак). Жюри ийгот шотышто кажне тўшкаште посна сеҥышым да призёр-влакым ойыра. Онлайн-йўклымаш Сеҥымаш музейын сайтыштыже 1 гыч 7 декабрь марте эрта. Эн шуко йўкым погышо автор-влак «Зритель-влакын симпатийышт призым» налыт.
Конкурсышто сеҥыше-влакын лўмышт 2021 ий 10 декабрьыште увертаралтеш. Россий Почта нунын сўретышт негызеш У ий открытка-влакым ышта. Ушештарена: тений шошым Туймазы районысо тунемше Никита Бичурин «Сеҥымаш открытка» всероссийский сўрет конкурсышто сеҥышыш лектын. Тиде конкурсат Россий Почта полшымо дене эртаралтын.

Башкирийыште илыше-влак «Сеҥымаш Кожым» сўретлен У ий открыткын авторжо лийын кертыт
Башкирийыште илыше-влак «Сеҥымаш Кожым» сўретлен У ий открыткын авторжо лийын кертыт
Автор:Фирдаус Кадикова