Шарнымаш кече

Шарнымаш кече

Отечествым аралышын кечыже – Российыште ик эн кугу пайрем, тиде кечын ме шочмо элнам аралыше-влакым жаплена. А

шочмо элым кажне пӧръеҥ аралышаш. Тиде кечын пайремым тыгак мундирым чийыше ўдырамаш-влакат палемдат, вет нунат шочмо элым аралыше вийын ужашыже улыт.

Пайрем лўмеш торжественный митинг Герой-влак аллейысе мемориал воктеке пеледыш аршашым пыштымаш гыч тўҥалын.

- Тачысе кечын шочмо элнам Кугу Отечественный сарыште шучко тушманым кырен шалатыше-влакын икшывышт, уныкашт

да кугезе уныкашт-влак аралат.

Кочана-влакын подвигышт дене кугешнен, ме шочмо элнам аралаш алал кумылым да ешартыш вийым налына, - палемден шкенжын выступленийыштыже Мишкан район МР администраций вуйлатыше П. Трапезников.

П. Трапезников деч вара отечествым аралыше ветеран, боевой действийын участникше, военнослужащий да запасыште улшо салтак ден офицер-влакым Мишкан сельсовет сельский поселенийысе ветеран-влак совет председатель Х. Гайфуллин, молодежь отделын тўҥ специалистше О. Биктубаева саламленыт.

- Шочмо элым аралымаш чыла жапыштат кажне пӧръеҥын суапле порысыжлан шотлалтын. Отечествым аралышын кечыже – пўтынь калыкын пайремже. Тудо военнослужащий-влаклан веле огыл, шочмо элна верч тыршыше да тудын дене кугешныше кажне еҥлан шерге. Кажне еҥлан тыныс илыш ден вуйўмбалныже яндар кавам тыланем! Пайрем дене! – саламлен погынышо-влакым Мишкан да Бурай районласе военный комиссариатын военкомжо С. Васильев.

Тылеч вара военно-патриотический иктылзаш кышкарыште «Тылат, Аралыше» акций эртен. Тушто Сеҥымаш волонтер ден самырык гвардеец-влак митингын участникше-влаклан саламлымаш открытка-влакым шалатеныт.

Светлана ТОЙМУРЗИНА.