Келшымаш
-9 °С
Лум
Все новости
Тӱрлӧ
26 Пургыж 2021, 13:22

ГТО значоклан

Мишкан районышто пневматический винтовка гыч лўйкалыме дене таҥасымаш эртен.

ГТО значоклан
Мероприятий 12 гыч 16 февральыште «Готов к труду и обороне» всероссийский физкультурно-спортивный комплексым чапландарышашлан, таза илыш-йўлам шыҥдарышашлан, тыгак лўйкалаш туныктышашлан эртаралтын. Тений фестиваль молыгунамсе гай эртен огыл, а посна кундемлам авалтен: ДЮСШ пелен, Ирсай, Изи Накаряк, Нерге, Кугу Соказа кыдалаш школлаште. Чылаже районысо 15 общеобразовательный учреждений гыч 224 тунемше участвоватлен. Фестивальыште ГТО сайтыште регистрацийым эртыше, III, IV, V тошкалтышласе йоча-влак участвоватленыт.
Таҥасымаш программыште пневматический винтовка дене, шинчен, кок кид дене ўстелыш эҥертен, 5 да 10 метр торасе мишеньыш лўйкалымаш лийын. Нормативым темаш тунемше-влак 8 №-ан мишеньым кучылтыныт. Кум пулям лўен ончаш
да вич пулям зачетлан лўяш пуэныт. Сеҥыше-влакым эн туран лўйкалыше-влак коклаште палемдыме.
Кажне спортсмен сеҥышыш лекташ тыршен. Иктешлымаш почеш личный зачетышто 3-шо тошкалтыш эрге-влак коклаште Д. Харчевников (Янагуш) сеҥышыш лектын, А. Аптикаев (1 №-ан лицей) «ший» призер лийын, кумшо верым И. Абдуллин (1 №-ан лицей) налын. Ӱдыр-влак коклаште А. Ялаева (Кўрзе), С. Загитова (Янагуш), К. Байбулатова (1 №-ан лицей) призер лийыныт. 4-ше тошкалтышыште ойыртемалтыныт: эрге-влак - А. Яшмурзин (Кемий), М. Ишмурзин (Ирсай), В. Миктаев (Изи Накаряк); ўдыр-влак - А. Саляева (Ирсай), И. Шамсутдинова (1 №-ан лицей), К. Килинбаева (Ирсай). 5-ше тошкалтышысе эрге-влак коклаште Т. Ярметов (Кемий), И. Туриашвили (2 №-ан школ), К. Мазиев (1 №-ан лицей) ойыртемалтыныт; ўдыр-влак коклаште К. Апсадикова (Кўрзе) икымше верым, К. Яковлева (Изи Накаряк) кокымшо, К. Валиуллина (1 №-ан лицей) кумшо верым налыныт.
Таҥасымашын итогшо почеш 130 тунемше «шӧртньӧ» значоклан, 24 - «ший», 22 - «той» значоклан ГТО-м сдатленыт.
Лўйкалымаш дене ГТО фестивальыште сеҥыше ден призер-влакым саламлена. У сеҥымаш-влакым тыланена! Участник-влакын результатышт ГТО АИС-ыш пурталтыт да ГТО комплекс нормативым темыме зачетыш логалыт.
В. АГЛЯМОВА.