Келшымаш
-20 °С
Пылан
Все новости
Тӱрлӧ
18 Пургыж 2021, 16:19

Мланде пашаеҥ-влак каҥашеныт

Шукерте огыл Мишкан селасе агропромышленный колледжыш БР-се ял озанлык министерство ден ял озанлык университетын представительышт толыныт

Мланде пашаеҥ-влак каҥашеныт
Нунын дене агроколледжыште вашлиймаш поро йўлашке савырнен. Тыгай вашлиймашлаште тўрлӧ пўсӧ йодыш тарваталтеш, каҥашымаш эртаралтеш.
Икмыняр ий ончыч тунемме заведений кугу опытан вуйлатыше В. Байбулатовын да пўтынь коллективын тыршымышт дене у статусым налын – училище гыч колледжышке савырнен. Тиде пашам туныктышо да мастер-влак гыч шогышо инициативный группа шуктен. Нуно планым возеныт, опросым эртареныт. Чыла сомылым Валерий Тимиргалиевич виктарен шоген.
Паша арам лийын огыл! Министерство да моло ведомство пашаеҥ-влак, документ, темлымаш, моло материал-влакым терген лекмеке, училищылан кугурак статусым пуаш келшеныт. Статус кугемме деч вара, тунемме заведенийышке у техника, жаплан келшен толшо оборудований кондалтыныт, класс ден мастерской-влакым капитально олмыктымо. Колледжын мланде пайже ятырлан кугемын. Подсобный озанлык пеҥгыдемын. Посна вўталаште комбым, ушкалым, сєснам ашнаш тўҥалме. Икманаш, Мишкан селасе агропромышленный колледж моло районласе профтехобразований колледж-влакым ятырлан ончылтен кертын. Тидын нерген ик ой дене БР-се ял озанлык министерствын пашаеҥже ден Башсельхозуниверситетын студентше-влак ойленыт.
Агроколледжын студентше-влак дене вашлиймаш ончыкылык профессийым ойырен налме, пашам кычалме дене кылдалтын. Вет лишыл жапыште ятыр самырык специалист шкаланже пашам кычалаш тўҥалеш.
Вашлиймашым шкенжын выступленийже дене Мишкан селасе агроколледж директорын заместительже А. Иванова почын. Анна Емельяновна тунемме заведенийын шочмыжо да вияҥме корныж дене, тыште могай профессий-влаклан тунык- тымо нерген палдарен.
Тылеч вара мутым БР-се образований да наука министрын заместительже И. Косолаповалан пуымо. Инесса Васильевна палдарен: Мишкан селасе агропромышленный колледжым Уфаште сайын палат да республикыштына ик эн сай тунемме заведенийлан шотлат. Агроколледж кажне ийын ятыр специалистым туныктен луктеш, нуно тунемме жапыштышт чыланат изи огыл опытым поген шуктат да пашам ышташ ямде лийыт. Образований министерствын представительже тыгак палемден: Мишкан селасе агроколледжыште верысе ўдыр-рвезе-влак веле огыл тунемыт, моло районла гычат тунемаш толаш тыршат.
Варажым мутым БР-се ял озанлык министрын заместительже пашам шуктышо Ф. Ханнановлан пуымо. Фавзят Рашитович шкенжын выступленийыштыже палемден: республикыштына шочмо мландыштышт пашам ышташ кумылаҥше самырык аграрий-влаклан полшаш виктаралтше паша шукталтеш.
Агроколледжым тунем пытарыме деч вара вузышто тунемме нерген БР-се ял озанлык министерствын научно-образовательный учреждений-влак дене кыл шотышто отдел начальник К. Пресняков ойлен. Константин Викторович тыгай площадкылаште икымше гана огыл участвоватла да яллаште мланде пашаеҥ-влакын кўлешлыкышт нерген сайын пала. Мишкан районыштат самырык специалист-влак моткоч кўлешан улыт.
Мишкан районысо ял озанлык пашан состоянийже дене шкенжын выступленийыштыже Мишкан район МР администраций вуйлатышын ял озанлык паша шотышто заместительже Д. Усманов палдарен. Дамир Тагирович районын агропромышленный комплексше, сеҥымашыже нерген ойлен, ончылно шогышо задача, ситыдымаш-влак дене палдарен да нуным решатлыме йӧн-влакым темлен. Районысо тўҥ аграрийын мутшо почеш, районыштына шыл, шӧр, мўй, пакчасаска да моло продукций артен шогат.
- Но каналташ жап уке, - каласен тудо. - Пашам эше ыштыман да ыштыман.
- Чын. Ыштышаш паша эше моткоч шуко, - келшеныт тудын дене ял озанлык предприятий вуйлатыше-влак да 2021 ийыште нунылан могай пашаеҥ-влак кўлмӧ дене палдареныт.
Тыге, шижде, кечывал кочкыш жапат шуын. А тудет моткоч тамле да перкеле лийын.
Кечывал кочкыш деч вара колледжыште тунемше-влак аграрный университетын студентше-влак дене вашлийыныт. Нунын коклаште мутланымаш оҥай да ӧрмалгымаш деч посна лийын. Самырык-влак кугурак-влак дечын университетыште тунеммаш, илыш нерген йодыштыныт. Нунышт чыла умылтараш тыршеныт да умбакыже тунемаш кумылаҥденыт.
Мишкан селасе агропромышленный колледжыште вашлиймаш теве тыгеракын эртен. Тыште кугу опытан специалист-влакат, тунемше-влакат лийыныт. Но нуным чылаштымат ик паша ушен шоген – чылан мланде пашам ыштыше, ончыкылык мланде пашаеҥ але тиде пашалан мутым кучышо лийыныт.
Вашлиймаште ўдыр-рвезе-влак шкаланышт у йолташ-влакым муыныт. Но эше шуко йолташым, очыни, Башкортостан Республикысе молодежный политика лигын проектно-творческий группыжо вуйлатышын заместительже Ильнур Юлдыбаев муын.
В. КОНДОГИН.