«Российын ечыгорныжо» ончык ӱжеш

Мемнан дене гына огыл, чумыр Российыште илыше еҥ-влак тўшкан эртарыме пайрем, спорт мероприятий-влакым чот сагыненыт. Сандене ончылгоч пуымо увертарымаш почеш «Российын ечыгорнышкыжо» еҥ-влак моткоч шукын толыныт.

Мемнан дене гына огыл, чумыр Российыште илыше еҥ-влак тўшкан эртарыме пайрем, спорт мероприятий-влакым чот сагыненыт. Сандене ончылгоч пуымо увертарымаш почеш «Российын ечыгорнышкыжо» еҥ-влак моткоч шукын толыныт.

Ече дене кошташ йӧратыше, уста ечызе, лўмлӧ спортсмен-влак гына огыл, а жапым яндар южышто эртараш, ечызе-влакым

кумылаҥдаш, таҥасымашым ончаш толшо-влакат лыҥ лийыныт.

Шуматкече эр ты таҥасымашым эртараш моткоч келшыше лийын. Тымарте шогышо чатлама йўштє Мишкан мландым эртен кудалын. Игече левыктен. Икманаш, «курж веле, ечыгорно сай». Тиде ечыгорным эртен, ГТО значоклан нормым сдатлаш шонышо-влак шукын лийыныт. Мут толмашеш, районышто ГТО движений нерген.

Мемнан дене ты значокым сулен налше-влак моткоч шукын улыт. Спортын кеч-могай видше денат таҥасымаште мемнан спортсменна-влак сай результатым ончыктат. Теве тиде ганат ече дене таҥасаш кумшўдӧ наре еҥ толын. Таҥасымаш тўҥалме деч ончыч тўҥ судья, районысо спорткомитетын председательже Р. Ямаев оргкомитетлан XXXIХ всероссийский таҥасымашым эртараш ямде улмо нерген увертара. Таҥасымашын участникше ден ончаш толшо-влакым ты кугу событий дене муниципальный район советын секретарьже Т. Коледина, район администраций вуйлатышын финанс шотышто заместительже З. Шамсутдинова, Паралимпийский модмашын шуко гана чемпионжо К. Михайлов, ече спортын ветеранже С. Салякин саламленыт. Нуно чылаштлан сайын куржаш да финишыш толын шуаш тыланеныт. «Единая Россия» партий лўм дене шарнымаш пӧлекым ече спортын ветеранже Сергей Салякинович Салякинлан, ДЮСШ-н тренерже, шуко уста спортсменым куштышо Юрий Байгузинович Айгузинлан, школьник-влак коклаште ик уста ечызе, Монар школышто тунемше

Эрнест Иманбаевлан кучыктымо. Кажне ийын тыгай таҥасымаште спортын ветеранже-влак С. Салякин, К. Михайлов, В. Андреев, Л. Иванов да молат участвоватлат. Тиде гана мемнан пагалыме ветеранна-влак шке уныкашт да кугезе уныкашт-влак дене пырля толыныт.

«Российын ечыгорныжо» таҥасымашым мемнан дене эре школыш кошташ шудымо йоча-влак почыт. Тиде поро йўла кызытат шукталтын. Изи спортсмен-влак шкеныштын микродистанцийыштым чолган эртеныт. Ветеранна-влакым ончаш моткоч оҥай лийын. Нуно ийготым шотыш налде, самырык-влак дене тӧр куржаш тыршеныт да шкеныштын дистанцийыштым моткоч сайын эртеныт.

Нунын почеш VIP куржмаш лийын. Тыште сельский поселений администраций вуйлатыше, район администраций вуйлатышын заместительже-влак, организаций вуйлатыше-влак куржыныт.

Таҥасыше-влакым ийгот шот дене лу тўшкалан шелме. Кажне тўшкан шке чемпионжо лийын. Но почеш кодшо-влакын чурийыштышт шўлык кумыл койын огыл. Вет тыгай кугу таҥасымаш шукертак лийын огыл. Шукерте палыме йолташ-влак дене вашлиймыжак мом шога.

Спорт пайрем чылалан келшен да тудо тийышле кўкшытыштӧ эртен.

Мучашлан сеҥыше ден призер-влакым наградитлымаш лийын.

В. КОНДОГИН.