Келшымаш
-17 °С
Пылан
Все новости
Тӱрлӧ
11 Пургыж 2021, 16:23

Леведышым вашталтынешт

2021 ий 21 январьыште Кугу Соказа ялысе школын актовый залыштыже Верысе инициативылан полыш программыште (ППМИ) участвоватлыме шотышто итоговый погынымаш эртен

Леведышым вашталтынешт
Ондак сельский поселений администраций ялыште калык погынымашым эртарен, тушто тўрлӧ йодышым тарватыме да ситыдымаш-влакым кораҥдаш йӧным кычалме. Тыгак калык коклаште йодыштмашым эртарыме: могай ситыдымаш-влак нуным утларак тургыжландарат. Калыкын утларак ужашыже школ леведышым вашталташ темлен.
Погынымашке 64 еҥ миен, нуно школ леведышым вашталташ темлымаш дене келшеныт. Вет нунын кокла гыч шукын тунемше-влакын ача-авашт лийыныт. А нуно сайын умылат – школ лиеш гын, ялынат ончыкылыкшо лиеш, а школ пыта гын, ялат пыта.
Погынымаште ондак калыкым ППМИ программа да тушто участвоватлыме условий-влак дене палдарыме, варажым конкурсышто участвоватлаш пунчалме, калык деч мыняр теҥге дене погаш кутырен келшыме, инициативный группым сайлыме, оксам аныклен кодаш йӧн лектеш гын, тудын дене мом ышташ каҥашыме.
Погынымашым верысе сельский поселений вуйлатыше Станислав Сергеев вўден. Калык ончылно Мишкан район МР администраций вуйлатышын заместительже, финанс управлений начальник З. Шамсутдинова выступатлен. Тудо ППМИ программа нерген ойлен, тушто участвоватлымын пайдаже дене палдарен.
Тыгак Кугу Соказа ялысе школ директор Ирина Карпова выступатлен. Тудо ППМИ программышке ушнаш да тудын полшымо дене школ леведышым вашталташ темлен. Тылеч вара йўклымаш эртен, тушто И. Карпован ойжо дене чыланат келшеныт. Йўклымеке, индеш еҥ гыч шогышо инициативный группым сайлыме. Программыште участвоватлыме шотышто полшаш верысе индивидуальный предприниматель ден организаций вуйлатыше-влак сӧреныт.
О. ТИМИРКАЕВА.