А те мыланна полшаш ямде улыда?

А те мыланна полшаш ямде улыда?

2021 ий 20 январьыште Сабай ялыште ППМИ-21 программыште участвоватлыме шотышто погынымаште калыклан лач тыгай йодышым пуымо.

Тиде кечын Сабай ял калык ончылно Урьяде сельсовет сельский поселений вуйлатыше Р. Загитов ден верысе имам М. Кайбышев выступатленыт.

Сельский поселений администраций вуйлатыше погынышо-влакым ППМИ-21 программыште участвоватлыме правил дене палдарен.

М. Кайбышев ялыште шўгарлам тўзаташ кўлмӧ нерген ойлен да ял калыкым лач тиде паша верч йўклаш йодын. Тудын мутшо почеш, кажне айдеме шке кугезыже-влак ончылно порысшым шуктышаш.

Сабай калык ик ой дене ППМИ-21 программыште участвоватлыме да верысе шўгарлам тўзатыме верч йўклен.

Тылеч вара погынымаште 5 еҥ гыч шогышо инициативный группым сайлыме. Конкурсышто сеҥымеке, нине еҥ-влак пашам эскераш, оксам погаш да спонсор-влак дене кылым кучаш тўҥалыт.

Фирдаус КАДИКОВА.