Жап ден тӧр ошкылеш

Жап ден тӧр ошкылеш

Мишкан сельсовет сельский поселений жап ден тӧр ошкылшо, икшырымын вияҥше кундемлан шотлалтеш. Похозяйственный учетын данныйже почеш, Мишканыште, Ленинскийыште, У Памашыште, Уялыште, Кигазытамакыште, Шаде Шогертеныште да Восходышто чылаже 8567 еҥ ила.

Мемнан корреспондентна сельский поселений вуйлатыше Рустам Адгатович Ишмакаев дене вашлийын да паша кузе мийыме, ял-влакым кузе тўзатыме нерген рашемдаш йодын.

- Администраций кугу верым еш-влак дене пашам ыштымылан ойыра. Начар койышан еш-влак пеҥгыде контрольышто кучалтыт.

Нунын дене профилактика советыште, ийготыш шудымо-влакын пашашт да нунын праваштым аралыме шотышто комиссийыште, ўдырамаш советын заседанийлаштыже профилактический паша-влак эртаралтыт. Тыгай ешлашке участковый уполномоченный, ийготыш шудымо-влакын пашашт шотышто инспектор-влак дене пырля рейд-влак чўчкыдын

эртаралтыт. 2020 ийыште чылаже 112 рейдым эртарыме.

Шуко икшыван да нужна еш-влаклан полшаш тыршена. Илыме условийым саемдышашлан учетыш шогалташ полшена. Ача-ава-влак дене йочам ончымо да воспитатлыме шотышто шке обязанностьым шуктымо нерген умылтарыме паша-влак шукталтыт.

Йўаш йєратыше, правам пудырташ кумылан-влак дене паша намиялтеш. Тыгай еҥ-влаклан возымо протокол-влак сельсовет администраций пеленсе социально-профилактический рўдер советыште ончалтыт.

Мемнан сельский поселенийыште илыме вер-влак шуко чоҥалтыт. 2020 ийыште 6108 квадратный метр кумдык илыме вер

чоҥалтын. Еҥ-влак шке кўшеш 63 пӧртым чоҥеныт.

Кажне ялыште корнын могай улмыжо, уремым волгалтарыме, ялым тўзатыме, шўкшакым жапыштыже шупшыктымо, газым

пуртымо йодыш-влак ончыл верыш лектыт. Кажныж нерген посна каласаш кўлеш.

«СтройПроект» ООО выгребной яме, туалет-влакым эрыктен, шуко пачашан пєрт оралте-влакым тўзатымаште, тоштемше шифер-влакым вашталтымаште, электропроводка-влакым вашталтымаште кугу пашам шуктен.

Шуко пачеран пӧртлаште подъезд-влакым олмыктымо республиканский программа кышкарыште Мишканыште Мир уремысе 44 №-ан пӧртыштӧ, Победа уремысе 31 №-ан пӧртыштӧ подъезд-влакым олмыктымо. Райрўдыштӧ 75 урем уло, моло яллаште - 31. Тыгеракын, сельский поселений уремлаште корнын кужытшо 142 километр. Чаманаш веле кодеш, верысе бюджетын оксаж дене муниципалитет кӧргыштӧ улшо чыла корным сай состоянийыште кучаш ок лий, сандене корнылаште улшо келге лаке-влакым петырыме, гравийым шавыме, грейдер дене тӧрлымӧ дене гына серлагалтеш.

Корно фонд гыч пурышо окса дене Мишканыште Пушкин, Луговой, Молодежный, Северный уремлашке асфальтым пыштыме. Мишканыште Ленин, Мир, Интернациональный, Дружба, Яныш Ялкайн, Революционный, Пионерский, Тракторный, Спортивный да моло уремлаште ДРСУ ден «СтройПроект» ООО «ямочный ремонт» манме пашалам шуктеныт.

«Формирование комфортной городской среды МР Мишкинский район Республики Башкортостан на 2018-2024 годы» муниципальный программа кышкарыште Мир уремысе 34 да 36 №-ан пєрт оралте-влак тўзаталтыныт. Нине оралтылаште корным асфальтироватлыме, бордюр-влакым шогалтыме, йоча площадкым ыштыме, оралтым волгалтараш лампе-влакым сакыме, видеокамера-влакым шындыме. Тидлан чылаже 4 миллион утла оксам кучылтмо.

Корнышто коштмо годым лўдыкшым кораҥдышашлан искусственный чарак-влакым кораҥдыме, 110 ешартыш корно знакым шогалтыме.

Теле жапыште сельский поселенийысе чыла ялыште корным лум деч эрыкташлан договор-влакым ыштыме. Уремым лум деч эрыктыме пашам сельский поселенийысе механизатор-влак шуктеныт, тыгак «СтройПроект» ООО дене договорым ыштыме. Тудын кандаш единица техникыже кажне кечын ты пашам шуктен. Луман кече годым уремым эрыктыме паша 4 шагат эрдене тўҥалеш.

Кунам кўлеш гын, моло организаций-влакын техникышт пашаш ушалтеш. 2020 ийыште ОГИБДД гыч Мишкан сельсовет СП-шке корно знакым шындыме, ямочный ремонтым ыштыме, корно тўрвлакым тӧрлымӧ, грейдер-влак дене корным тӧрлымӧ, лум деч эрыктыме шотышто 238 представлений пурен. Кугу ужашыжым тўрыснек шуктымо, но окса ситыдымылан кӧра чыла представленийжым жапыштыже шукташ йєн уке.

Эртыше ийыште кугу верым коммунальный значениян объект-влакым олмыктымо да уэмдыме пашалан ойырымо. «Мишкан ПЖКХ» ООО-н коллективше Мишканыште теплосетьым, рўдӧ котельныйым да тусо оборудований-влакым олмыктен. Олтымо сезонлан сайын ямдылалтын. 2020 ийыште Мишканыште «Западный» микрорайоныш электролинийым шупшмо паша шукталтын.

2020 ийыште чылаже 4,5 километр кужыт юж линий шупшылтын. 300 утла светодиодный лампе уремыш сакалтын.

Мишканыште калыклан вўдым ситарыме йодыш пўсын шога. Тиде пашам «Мишкан ПЖКХ» ООО шукта. Накаряк гыч Мишкан марте вўдпровод шупшмо паша умбакыже шуйна. А яллаште кажне суртышто манме гай вынем уло.

Яллам тўзатыме паша-влак шукталтыт. Кодший ялласе шўкшакым кышкыме верлаште обваловкым ыштыме, Мишканыште у шўгарлаште печын ужашыжым олмыктымо, У Памаш ял шўгарлам тўрыснек тӧрлымӧ, Бирск-Тастуба-Сатка корнышто аншлаг-влаклан косметический манме олмыктымо паша шукталтын, баннер-влак шогалталтыныт, РДК воктене Сеҥыше салтак памятникым чиялтыме, Ленинский, Уялыште, У Памашыште, Кигазытамакыште памятник-влак олмыкталтыныт.

Апрель-май тылзылаште яллаште илыме верлам тўзатыме шотышто субботник-влак эртаралтыныт. Корно воктенсе шўкшудым эре солен шогымо. Герой-влак аллейыште кугу пашам шуктымо. Тидыже «Оласе среда» программа почеш шукталтеш. Мишканыште 500 утла у пушеҥге ден вондерым шындыме.

«Герой-влак аллей» гыч рончымо тошто плитке-влакым «Солнышко» йоча садлан, Уял ден Ленинский ялласе мемориальный комплекс-влакым олмыкташ пуымо. «Мать и дитя» паркыште, культура да каныме паркыште райцентрыште илыше-влакын участвоватлымышт дене субботник-влак эртаралтыныт. «Раш паша» программа дене Уялыште йоча садыште тӧрза-влак вашталталтыныт, Шаде Шогертеныште клуб леведыш уэмдалтын.

Ш. Бабичын юбилейжылан лўмлалтше мероприятий-влак вашеш Кигазытамак ялыште тўзатыме паша шукталтын.

Верысе инициативылан полшымо программа дене Уяллан МТЗ-82 тракторым налме.

Сельский поселений администраций пожарный безопасность пашам пеҥгыдемдымаште кугу пашам шукта. ЗиЛ-130 пожарный машина да прицепной бочкына уло. Пожар годым вўдым налме верым Уялыште (2 вер), Кигазытамакыште, Шаде Шогертеныште ыштыме. Сельский поселенийыште пожар ынже лий манын, шуко паша шукталтеш гынат, 2020 ийыште 15 пожар лийын.

Верысе самоуправленийын пашаже территориальный общественный самоуправлений (ТОС) деч посна пешыжак воранен ок керт. Мемнан вич ялыште ТОС шке пашажым сайын шуктен шога. Ял староста-влак администраций дене пеҥгыде кылым кучат да шке ялыштышт улшо проблемылам решатлаш полшат. Нуно погынымашлам эртарат, вынемым олмыкташ, корным тӧрлаш, уремым волгалтараш, пожарный водоемым ышташ инициатива дене лектыт.

В. КОНДОГИН.