Погынымаште эн ончыч шуктышаш паша-влакым рашемдыме, инициативный группым сайлыме. Ял калык спортивный площадкым налаш пунчалын. Ушештарена, Уял ты программыште кокымшо ий участвоватла. 2020 ийыште ты программа дене МТЗ 82.1 тракторым налме. Тачысе кечылан тудын дене уремыште лумым эрыктат. Сельский поселений администраций Уял калыклан чолгалыкшылан таум каласа.