Шоненыт - шуктеныт

Шоненыт - шуктеныт

Идалыкын кеч-могай жапыштыжат моторлыкым ужын моштымаш, илышлан куанымаш, вий-куат, чолга койыш - чыла тиде сай койышым Пўнчер ялыште илыше-влак «Айык ял» конкурсышто участвоватлымышт годым кучылтыт.

Чолга да таза илыш-йўла нунын илышыштышт поро йўлашке савырнен. Тиде конкурс кышкарыште уже шуко ыштыме. Теле тўҥалтыштак нуно ер ўмбалне катокым ыштеныт. Коньки дене мунчалташ ий ўмбалсе лумым эрыктенак шогат. Курык тайылыште йоча-влаклан издер дене мунчалташ курыкым келыштареныт.

У ий вашеш пошкудо Соказа ялыште ўдырамаш команде-влак коклаште волейбол дене турнирым эртареныт. Тушто Пўнчер,

Чорай ялла гыч да Кугу Соказа гыч кок команде-влак участвоватленыт. Команде-влак сай модаш тыршеныт, сандене ончышо-влаклан йокрокланаш жап лийын огыл. Пўнчер ялын командыже кокымшо верым налын.

Вес кечыжлан ял калыкым «Йомакыш унала» весела модмаш куандарен. Ял калык кеч-могай мероприятийышкат кумылын ушна.

Йоча-влакат, кугыеҥ-влакат тўрлє мероприятийлан костюмым ямдылат, ончылгоч репетицийым эртарат. Каникул жапыштат Пўнчерыште йокрокланыше лийын огыл. 2 январьыште йоча-влаклан «Морозко» йомакым ончыктымо. 5 январьыште ял калык «Ару теле кече» акцийыш ушнен. Катокым лум деч эрыктеныт, кожым шогалтеныт. Кунам кумыл сай, пашат ушнен толеш, муро муралтеш, йол кушташ ўжеш. Тыге пырля шуктымо паша пайремыш савырна.

Вес кечыжлан катокышто «теле мозаика» модыш программа организоватлалтын. 7 гыч 14 январь марте тыште «Шорыкйол» пайремым кумдан палемдат. 8 январьыште Васли кува-кугыза да мєчєр-влак конкурс эртен. Нуно ялысе кажне суртыш пурен лектыт, сурт оза-влакын шуктымо пашаштым аклат. Тиде кечынак Пўнчер Культура пӧртын самодеятельный артистше-влак #Моя музыка фестиваль марафоныш ушненыт. Нуно йӧратыме муро-влакым йоҥгалтареныт, а эрлашыжым калык куштымаш дене флешмобым эртареныт.

16 январьыште ялыште «Тазалык ечыгорно» таҥасымаш эртен. Тыште кумылан кажне еҥ ече корныш шогал кертын. Участник-влакын ийготышт 5 гыч 75 ий марте лийын. Ече дене таҥасымаш годымак йоча-влак курык сыртыште тюбинг дене мунчалтеныт. Участник-влакым шокшо чай да мелна дене сийлыме.

Фирдаус КАДИКОВА.