Ветеранлан - келшыше пачерым

Ветеранлан - келшыше пачерым

Кугу Отечественный сарын ветеранже-влаклан келшен толшо илыме верым ситараш 1 млрд утла те‰гем ойырат. Тидын нерген распоряженийыш Россий правительстве председатель Михаил Мишустин кидпалыжым пыштен.

Оксам 65 регионыш колтат. Эн кугу траншым Санкт-Петербург, Ростов область да БР налыт. Ешартыш финансирований 607 ветеранлан у пачерыш куснаш полша. Правительствын 8 октябрьыште эртыше заседанийыштыже Михаил Мишустин распоряжений дене кылдалтше пашам 2020 ий мучаш марте ыштен шукташ кўштен. Апрельыште Россий правительство тидлан 350 утла млн те‰гем ойырен, да 200 утла ветеран илыме веран лийын.