Творческий шӱлыш памаш

Творческий шӱлыш памаш

Конкурсышто участвоватлыше кажне туныктышо жюрим мо дене гынат єрыктарен кертеш. Но жюри член-влак, тӱҥ шотышто,

тудын урокым кузе эртарымыжым, тунемше-влаклан шинчымашым пуэн моштымыжым тергат. А тиде пашам конкурсант-влаклан

палыдыме икшыве-влак дене ыштыман.

Кызытсе саманыште школысо паша чарныде вашталт шога. Компьютеризаций ден глобализаций туныктышынат пашажым кугун вашталтеныт. Тидлан кӧра школысо илыш ден паша пӱтынь общество дене пырля чарныде вашталтеш да молемеш. Йоча-влак денат ваш кыл молемын шога. Туныктышылан, келге шинчымаш деч посна, ятыр кӧргӧ вий, чытыш, чолгалык кӱлыт.

Юмылан тау, тыгай айдеме-влак лектын шогат да шке пашаштым сайын да кумылын ыштат. Тений «Идалыкын туныктышыжо-2020» лӱм верч конкурсын финальный ужашыштыже 6 туныктышо кучедалын: 2 №-ан Мишкан кыдалаш школышто историйым туныктышо Алена Алкиева (паша стажше – 16 ий), Лепешкан ялысе тӱҥалтыш школышто (Ардаш кыдалаш школын филиалже) тӱҥалтыш клласслаште туныктышо Виктория Иванова (4 ий), Монар ялысе школышто историй ден орбществознанийым туныктышо Лера Сайсанова (36 ий), Чорай ялысе Я. Ялкайн лӱмеш марий гимназийыште руш йылме да литературым туныктышо

Ирина Салаева (24 ий), Кугу Соказа ялысе школышто музыкым туныктышо Ирина Шамуратова (28 ий), Пӱнчер ялысе тӱп общеобразовательный школышто (Чорай ялысе Я. Ялкайн лӱмеш марий гимназийын филиалже) историйым туныктышо Валентина

Янгуатова (2 ий). Нуно чыланат, конешне, уже сеҥыше улыт – вет финалышке лекташ куштылго лийын огыл, тидын верч ятыр пашам да тӱрлӧ конкурсым эрташ кӱлын. Но эн сай туныктышо-влак кокла гыч эн сай деч сайжым ойыраш кӱлын. Мишкан район

муниципальный район администраций вуйлатышын кадр да социальный йодыш-влак шотышто заместительже Л. Александрова

шкенжын выступленийыштыже лач тидын нерген ойлен.

Салам шомак деч вара сценышке туныктышо-влак лектыныт. Конкурсын финальный этапше кок ужаш гыч шоген: «Визитка» (шке дене палдарымаш) да мастер-класс. Туныктышо-влак чыланат аудиторий дене сайын мутланен моштымыштым да уста специалист улмыштым, предметыштым сайын палымыштым, оҥайын умылтарен моштымыштым ончыктеныт. Кажне туныктышын тыгак посна ойыртемже, кумылым тӱрлӧ йӧн дене савырен моштымыжо шижылтын. Йӧн лиеш гын, мый нунылан чылаштланат икымше верым

пуэм ыле. Но РОНО вуйлатыше С. Александров вуйлатыме жюри нуным пеҥгыдын терген да йєршын вес критерий-влаклан эҥер-

тен аклен.

«Визитка» конкурсышто, конешне, 2 №-ан Мишкан кыдалаш школышто туныктышо А. Алкиева ойыртемалтын. Тидлан ӧршаш уке – тудын паша стажшат кугу, пашамат ялысе огыл, а селасе школышто ышта. А. Алкиева шкенжын выступленийжым Кугу Отечественный сарыште Сеҥымашлан 75 ий темме дене кылден. Тунмешыже-влакат тудлан кугун полшеныт. Тыге туныктышо

икымше конкурсышто эн шуко баллым поген.

И. Салаева икымше заданийым творческий шӱлыш дене шуктен, тудын выступленийжым «Операция «Ы» или другие приключения

Шурика» фильм гыч оҥай да мыскара кадр-влак сӧрастареныт.

Туге гынат, балл-влакын тӱҥ ужашыжым туныктышо-влак «Визитка» конкуРсышто огыл, а мастер-класс деч вара погеныт. Тыште

эн сай результатым И. Шамуратова ончыктен - 9,6 баллым поген, А. Алкиева кокымшо лийын – 9,4 балл.

Конкурс ден туныктышо-влакын мален кертдыме омышт шеҥгелан кодыныт. Тудын результатше вара могай? Кӧ идалыклан моло туныктышылан сай пример лиеш? Палдарена: «Идалыкын туныктышыжо-2020» лӱмым 2 №-ан Мишкан кыдалаш школышто историйым туныктышо Алена Алкиева сеҥен налын.

Кокымо верым жюри Кугу Соказа ялысе кыдалаш школышто музыкым туныктышо Ирина Шамуратовалан пуэн. Тудо тыгак «Урок –

усталык кӱкшыт» номинацийыште палемдалтын. Кумшо верым Монар ялысе кыдалаш школышто историй да обществознанийым

туныктышо Лера Сайсановалан пуымо. Чорай ялысе Я. Ялкайн лӱмеш марий гимназийыште туныктышо Ирина Салаева «Руш

йылме да литературым эн сайын туныктышо» номинацийыште сеҥен. Эн самырык туныктышо Валентина Янгуатова (Пӱнчер

ялысе школ) иканаште кок номинацийыште палемдалтын – «Самырык туныктышо» да «Творческий шӱлышан туныктышо».

Теве конкурсант-влакым палемдыме жапат шуын. Тыштат оҥайлыкым пуртымо – ончышо-влакым шкеныштын выступленийышт дене Культура дворецын пашаеҥже-влак С. Салиева, Г. Булякова да самырык шӱдырна А. Галимова куандареныт. Мучашлан конкурсышто участвоватлыше туныктышо-влаклан чылаштланат кугу таум ойлымо шуэш. Тек нунын шӱм-чоныштышт эре алал да поро кумыл озалана.

Ме чыланат нунын пашашт дене кугешнена да ончыкыжымат кугешнаш тӱҥалына.

Венера АГЛЯМОВА.