+20 °С
Облачно
Тӱрлӧ
31 Декабря 2020, 21:00
Теҥыз юж дене шуаралтын
Пашан ветеранже, Северный флотышто служитлыше Александр Николаевын илыш корныжо тӱрлӧ событийлан поян лийын
Теҥыз юж дене шуаралтын
Александр Алексеевич 1939 ий 18 апрельыште шочын. 1956 ийыште Мишкан кыдалаш школым тунем пытарен.
Школ деч вара комсомол путевка почеш, моло ӱдыр-рвезе-влак дене пырля, индустриальный Салават олам чоҥаш каен. Ик жап гыч рвезым армийыш
налыныт. Тудо ныл ий Северный флотышто, «Александр Невский» лӱман корабльыште служитлен.
Онылгоч каласен кодена: Александр Николаев районыштына ик эн шоҥго моряк улеш. Армий гыч тудо капитан-лейтенант лийын пєртылын.
Пӧртылмекыже, Пӱрӧ оласе пединститутыш тунемаш пурен. Институтым тунем пытарымеке, Ирсай, Монар, Эшым ялласе школлаште туныктен. Комсомол вожак, КПСС-ын райкомыштыжо инструктор лийын. Теҥыз юж дене шуаралтмаш Александр Алексеевичлан чыла пашамат сеҥаш полшен, еш илышыжымат пеҥгыдемден. Ватыже Серафима Изиляновна дене коктын нуно куд икшывым ончен куштеныт. Чыланат илышыште шке верыштым муыныт, коча-кувавам 17 уныка дене куандареныт. Нуно Николаевмытлан ешартыш вийым пуэн шогат. Ийготышт шагал огыл гынат, Александр Алексеевич ден Серафима Изиляевна пеҥгыде озанлыкым кучат, 2018 ийыште нуно «Ветеран сурт-оралте» конкурсышто сеҥеныт. Еш вуй мер
пашамат алал кумылын шукта, районысо ветеран-влак совет президиумын членже улеш.
В. КОНДОГИН
