Тау мутым ойлем

Тау мутым ойлем

Мый 15 ий пенсийыште улам. Ынде ийготемат шагал огыл, тазалыкемат начаррак, ойгат йӧcландара. Ялыште сурт кӧргыштӧ пашат шуко. Пӧртыштӧ потолок ден пырдыжым ошемдаш кӱлеш, но мыйын тидлан ӱнар пеш уке. Икана тидын нерген мут толмашеш

Иванова Лена ден Александрова Аленалан ойлышым. Нуно мыйым вигак лыпландарышт да ик кече толын ошемдаш сӧрышт.

Икмыняр кече гын нуно да эше Иванова Анжела тольыч да кӱчык жапыште пырдыжым, потолокым ошемдышт, пӧртыштӧ, пєртончылно кӱвароҥам мушкын кодышт.

Мый тидлан нимучашдымын куаненам. Нунылан шӱм гыч лекше моткоч кугу таум ойлем. Нунын кумылышт поро, шоҥго еҥым пагалат, пашалан огыт ӧркане. Нине ава-влак икшывыштымат тыгайым ончен-куштат манын ӱшанем. Нунылан пеҥгыде тазалыкым, волгыдо пиалым, кужу ӱмырым тыланем.

М. ЯМЕТОВА, Кӱрзе ял.