Районым нӧлталаш лиеш

Районым нӧлталаш лиеш

Бюджет

Мишкан район бюджетыш 2019 ийыште 798 млн теҥге пурен (2018 ий деч 72 млн теҥгелан шукырак) - тиде планын 99,8 процентше. Шке парышын кугытшо 19 процент лийын – 152,5 млн теҥге (2018 ийыште – 137 млн).

2019 ийыште ик еҥлан кокла шотышто парыш 6,7 тӱжем теҥге лийын (2018 ийыште - 5,9 тӱжем теҥге).

Бюджетыш пурышо окса гыч 99 процентшым – 756 млн теҥгем кучылтмо, 2018 ий дечын 28 миллионлан шукырак.

2020 ий январьлан пашадарым да коммунальный услугылан тӱлымӧ шотышто порыс лийын огыл.

АПК

2019 ийыште ял озанлык производитель-влак продукцийым 2018 ийысе дечын (1,8 млрд теҥгеашым ыштыме) 2,6 процентлан шукырак ыштыме (1,9 млрд).

2019 ийыште 11,5 тўжем тонн шурным погымо, лектышын кокла кугытшо гектар гыч 19 центнер лийын.

Ял озанлык производитель-влак 4403 тонн (чонан нелгыт) шылым, 19,6 тӱжем тонн шӧрым ямдыленыт.

«2013-2020 ийлаште ял озанлыкым вияҥдыме да ял озанлык продукций, сырьё да продовольствий рынкым тӧрлымӧ» государственный программа кышкарыште федеральный да республик бюджет гыч районлан 20,4 млн теҥгем ойырымо.

2019 ийыште «Агростартап» проект кышкарыште крестьян (фермер) озанлыкым ышташ да вияҥдаш виктаралтше конкурсышто кок озанлык сеҥен, нунылан чумыр шотышто 5,8 млн теҥгем ойырымо.

Доходогенерирующий проект-влак кышкарыште конкурсный отборым ял озанлык продукцийым перерабатыватлыше кок кооператив эртен: «Дары природы» СППК ден «Мишкан» СППК. Нунылан чумыр шотышто 6 млн теҥгем ойырымо.

2019 ийыште районыштына 319 МСП (изи да кокла предприниматель-влак) субъект пашам ыштен.

Изи бизнесыште пашам ыштыше калыкын 25 процентше ышта (1302 еҥ). Районыштына 842,5 млн теҥгеаш продукцийым ыштыме.

Эртыше ийыште 6 изи предпринимательство субъектлан чумыр шотышто 2695600 теҥгеаш субсидийым ойырымо.

Демографий

Пытартыш кум ий жапыште районыштына калыкын чотшо шагалемеш: 2017 ийыште 254 еҥ шочын да 328 еҥ колен; 2018 ийыште – 232 да 312; 2019 ийыште – 204 да 324. Мужыраҥмашат шагалемеш: 2019 ийыште 86 мужыраҥмаш лийын (2018 ийыште – 104; 2017 ийыште - 111).

2019 ийыште 41 ешлан чумыр шотышто 2050000 теҥгеаш окса полышым ончыктымо (2018 ийыште чумыр шотышто 1,5 млн теҥгеаш окса полышым 30 еш налын).

Тулык икшыве-влаклан илыме верым налаш федеральный да республиканский бюджет гыч 7927545 теҥге ойыралтын. Тиде окса дене 8 пачерым налме (2017 да 2018 ийлаште – 6 пачер дене). 2020 ий 1 январьлан илыме верым 69 тулык йочалан ойыраш кўлеш.

Инвалид ден инвалид икшывым ончышо еш-влаклан илыме верым ойырымо программа почеш (кудышт 2005 ий 1 январь деч вара учетыш шогалыныт, нелын черле улыт да социальный найм почеш илыме вер ойыралтшаш) 2 ешлан республик бюджет гыч чумыр шотышто 1,935 млн теҥгеаш субвэнцийым ойырымо.

Тулык да ача-ава ончымаш деч посна кодшо йоча-влак- лан кеҥежым тугок канаш йӧн ышталтеш. 2019 ийыште «Старт» спортивно-тазартыме лагерь ден «Росток» санаторийыште тыгай йӧн дене 66 йоча канен. «Обеспечение доступным и комфортным жильем и коммунальными услугами граждан Российской Федерации» государственный программа почеш 2 самырык ешлан чумыр шотышто 2 млн теҥгеаш сертификат-влакым пуымо, 3 самырык ешлан – икшыве шочмылан кӧра ссудын ужашыжым петыраш чумыр шотышто 791,8 тӱжем теҥгем.

Образований

Черетыште шогышо 3-7 ияш йоча-влаклан чылаштланат дошкольный образованийым налаш йӧным ыштыме. Ынде 3 ияш марте йоча-влаклан йоча садлаште верым муаш кодеш.

2019 ийыште «Цифровая образовательный среда» федеральный проект кышкарыште Чорай ялысе марий гимназийын материально-технический базыжым уэмдаш федеральный бюджет гыч 2 млн 100 тӱжем теҥгем ойырымо.

«Современный школ» федеральный проект кышкарыште 2 №-ан Мишкан кыдалаш школ ден 1 №-ан лицейыште «Кушмо точка» образований рӱдер-влак почылтыныт. Кажне школлан 1 млн 600 тӱжем теҥге дене ойырымо. Ончыкыжым тыгай рӱдер-влакым кажне школышто почаш палемдыме.

Села ден яллаште пашам ыштыше 2 самырык туныктышылан 600 тӱжемаш грант дене пуымо.

2019 ийыште 11-ше классыште тунемше ик еҥ Башкортостан Республик вуйлатышын стипендиантше лийын.

Мишкан селасе агропромышленный колледж «100 лучших организаций среднего профессионального образования России» всероссийский конкурсышто сеҥен.

Районыштына волонтер движений вияҥеш. Волонтер ушем-влак Мишкан селаште, Кемий, Ирсай, Монар, Пӱнчер, Арзамат, Изи Накаряк, Озерка, Кӱрзе, Ардаш да Чорай яллаште ышталтыныт але вашке ышталтыт. 2019 ийыште Ирсай да Пӱнчер ялласе волонтер отряд-влак «Добро не уходит на каникулы» всероссийский конкурсышто вийыштым тергеныт да школыштышт волонтер движенийым вияҥдаш 300 тӱжем теҥге дене налыныт.

Здравоохранений

2019 ийыште районыштына 36 врач (2018 ийыште – 37), кокла медперсоналлан шотлалт- ше 200 еҥ пашам ыштеныт. 2 самырык специалист пашам ышташ толын: врач терапевт ден анестезиолог-реаниматолог. Но тидын годымак 2 врач каен.

2019 ийыште диспансеризацийым 4690 еҥ эртен (100 процент). Диспансеризаций 325 черле еҥым рашемдаш полшен.

Капитальный

строительство, ЖКХ

да тӱзатымаш паша

2019 ийыште корным олмык- тымо пашалан чылаже 48,4 млн теҥгем кучылтмо. Мишкан селаште икмыняр уремыш асфальтым вакшме, Кемий, Чорай, Монар, Йылыш, Арзамат, Ардаш, Шаде Шогертен яллаште корным олмыктымо.

Муниципальный дорожный фонд гыч илемла кєргысє корно-влакым олмыкташ (чумыр кужытшо 29 км) 14 млн утла теҥгем кучылтмо.

«Улучшение систем наружного освещения населенных пунктов» программа почеш 12 сельский поселенийыште 3,8 млн теҥгеаш пашам ыштыме, тушечын 3,4 млн теҥгежым республик бюджет гыч ойырымо.

Илемлаште тыгак пожарный безопасность пеҥгыдемдалтеш да шӱкым погымо контейнер-влак вераҥдалтыт.

Уремлаште панар-влак вераҥдалтыт да олмыкталтыт. 2019 ийыште тиде пашалан 15 млн утла теҥге оксам кучылтмо.

«Устойчивое развитие сельских территорий Республики Башкортостан» подпрограмма почешат паша чолган шукталтеш. 2019 ийыште илыме верым саемдаш сертификатым 20 еш налын, нунылан чумыр шотышто 37 млн теҥге ойыралтын.

2019 ийыште районышто чылаже 167 у пӧрт чоҥалтын. Нунын чумыр кумдыкышт 14 тӱжем кв.м.

2020 ийлан задача-влак

2020 ий Кугу Отечественный сарыште Сеҥымашлан 75 ий теммылан лӱмлалтын.

Тачысе кечылан районыштына сар годым тушман дене кредалше але тылыште пашам ыштыше 166 еҥ ила. Районысо ветеран-влак совет нунын лӱмеш тӱрлӧ мероприятийым эртара. 2019 ийыште 500 утла пенсионер досуговый учрежденийлаште тӱрлӧ творческий пашам ыштен, 100 утла пенсионер ший волонтер лийын, 500 утла илалше еҥ спорт дене пеҥгыде кылым куча. Нуным ончыкыжымат спорт дене кылым кучаш да творческий шӱлышан лияш кумылаҥден шогыман. Ветеран-влаклан полшаш самырык-влакым кумылаҥден шогыман. 9 май вашеш памятник, стела, обелиск да Сеҥымаш аллей-влакым олмыктыман да тӱзатыман.

Эстетика идалык кышкарыште илем-влакымат тӱзаташ кӱлеш. Тидын шотышто план тыгай: корно тӱрысӧ пече-влакым олмыкташ (чумыр кужытышт 18 км утла); газон-влакым тӱзаташ (7 кв. м. утла); 36 тротуарым асфальт дене вакшаш; 2 тӱжем утла панарым вераҥдаш.

2020 ийыште Башкирий VI тӱнямбал фольклориадым приниматла. Концерт площадка мемнан районыштат лиеш.

2020 ий сентябрьыште, чумыр йӱклымаш кечын, верысе самоуправлений органыш депутат-влакым сайлена.

Тений тыгак Всероссийский калык перепись эрта. Тиде пашамат кӱлеш семын шуктыман.

(Отчетын тичмаш текстше дене http://mishkan.bashkortostan.ru сайтыште палыме лияш лиеш).