Мошенник-влак огыт мале

Мошенник-влак огыт мале

Шарныза, банк пашаеҥ нигунамат тендан деч код ден парольым ок йод. Олалаште банкомат воктенат тӱткӧ лийза – тушто мошенник-влак тендан парольдам пален налаш йӧным ыштыше устройство-влакым вераҥден кертыт.

2019 ийыште калыкым ондален оксам шолыштмо 11 случай регистрироватлалтын.

Кодший 18 мартыште Ирсай ялыште илыше ик еҥ дечын вуйшиймаш пурен. Тудым ик торгайыше организацийын пашаеҥже Н. ондален – картыж дене 5103,09 теҥгем нимо укелан тўлыктен. Мишкан селасе Н.-ым титаканлан шотлымо, тудо уда пашаж дене РФ УК-н 159.3 статьяжын 1-ше ужашыжым пудыртен.

24 апрельыште Мишкан селаште илыше ик ўдырамаш дечын вуйшиймаш пурен – палыдыме еҥ тудын банковский картыж гыч оксам шолыштын. Рашемдыме: 22 мартыште тудын деке 89654006573 абонент гыч ала-кӧ Сбербанк пашаеҥ улам манын йыҥгыртен да ўдырамашын картыж гыч оксам налаш тыршыме нерген увертарен. Оксам шолыштмашлан чаракым ышташ манын, картын CVV2/CVC2 реквизитше-влак ден кодым йодын. Тылеч вара коло минут жапыште чыла картше гычат («Мастеркарт», «Виза», «Мир») окса йомын – чумыр шотышто 6000 теҥге. Тылеч вара ўдырамаш деке 900 номер дене банк гыч йыҥгыртеныт да мошенник-влакын оптышышкышт логалме нерген увертареныт.

23 апрельыште тыгай вуйшиймаш пурен: палыдыме еҥ-влак «Система» ООО-н пашае‰же улына маныныт да 406265,50 теҥгем ондален налыныт.

9 сентябрьыште Мишкан селаште илыше ик еҥ дечын вуйшиймаш пурен. 6 сентябрьыште тудын деке палыдыме еҥ йыҥгыртен да «АВИТО» сайтыште машинам ужалыме нерген уверым лудмо да тудым налаш келшыме нерген увертарен. Мошенник-влакын оптышышкышт логалше еҥ августышто тиде сайтыште автомобильжым ужалыме нерген уверым вераҥден улмаш. 6 сентябрьыште 89630327389 номер гыч тудын деке палыдыме еҥ йыҥгыртен да автомашиналан предоплатым тўлаш сӧрен.

Тылеч вара мошенник машинам ужалышым банкомат деке мияш да, оксам колташ экшык ынже лек манын, картыжым текшыраш йодын. Ужалыше Мишкан села, Революционный урем, 6 «а» адрес дене («Пятерочка» магазин) «Россий Сбербанк» ПАО воктеке миен. Картыжым текшыраш манын, тушечын 20000 теҥге оксажым сниматлен да уэшын пыштен. Тылеч вара оксаже картыж гыч йомын.

14 октябрьыште Ленинский ялыште илыше Ш. деч вуйшиймаш пурен. Палыдыме еҥ тудын оксажым «В контакте» группа гоч ондален налын улмаш. Тудын деке «Мариникова Марина» ник дечын увертарымаш пурен улмаш. «Марина» тудлан «IPhone» гаджетым сеҥен налме нерген увертарен. Тылеч вара Любовь Игоревна П. лўмеш 4276 5460 4742 6675 номеран картыш 420 теҥгем колташ йодын. Тылеч вара «IPhone» гаджетын тўрлӧ модельже-влак список толын. Тушечын келшышыжым ойырен налаш темлыме. Акыштымат возымо. Шоям шижшыла, Ш. акцийыште умбакыже участвоватлаш тореш лийын. Но «Мариникова Марина» тўлаш кўлеш манын возен, от тўлӧ гын штраф пышталтеш манын увертарен. Тўлышаш суммым 1030 теҥге марте волтен. Тылеч вара Ш. мошенниклан «Онлайн-Сбербанк» гоч 1030 теҥгем колтен. «Мариникова Марина» оптышыш логалше еҥым ик жап гыч 5000 теҥгем колтем манын ўшандарен. Ш. картыжын номержым возен колтен, но окса пурен огыл. Тылеч вара «Мариникова Маринан» страницыже блокироватлалтын. Ик жап гыч ўдырамашлан «Панкратова Татьяна» возаш тўҥалын да судыш пуэм манын лўдыктен. Тыге Ш. мошенник-влаклан эше 1960 теҥгем колтен. Ш. тылеч вара гына умылен: тудым мошенник-влак ондалат да «В контакте» группышто возымым чарнен. Любовь Игоревна П.-н лўмеш 4276 5460 4742 6675 №-ан картышке Ш. чылаже 3410 теҥгем колтен.

1 ноябрьыште Метръялыште илыше еҥ дечын вуйшиймаш пурен. 31 октябрьыште палыдыме еҥ тудын дечын 2 агытаным налын да ютылан «мыскара банк» окса дене тўлен – 5000 шоя оксам кучыктен. Метръял марий тудлан чын окса дене 3600 теҥге сдачым пуэн.

Тиде кечынак Метръял гыч эше ик вуйшиймаш пурен – палыдыме еҥ тудын дечын 2 шорыкым налын, тудлан 5000 теҥгеаш «мыскара банк» купюрым да кум 1000 теҥгеаш чын оксам пуэн.

11 ноябрьыште Новотроицкыште илыше йодмашым возен, тудо АВИТО-што ЯМЗ-238 двигательым муын да тудым налаш 90 тўжем теҥге оксам кусарен. Рашемдыме, туткарыш логалше 7 ноябрьыште шке суртыштыжо компьютер гоч Керчь олаште «ЯМЗ-238» двигательым 90 тўжем теҥгелан ужалыме нерген уверым муын. Увертарымаште +7-988-33-82-174 номеран телефон да озажын лўмжӧ Юрий Николаевич ончыкталтын. Йўкшӧ почеш илалше еҥла чучын. Рушла акцент деч посна ойлен. Туткарыш логалше ужалыше деч двигательын фотографийжым ешарен колташ йодын. Тидлан тушечын ужалыше вашештен, мылам 68 ий, мыйын кызытсе гай сай телефонем уке, а сайтышке шындаш уныкаже толын да фотогрфироватлен. Тунам налше еҥ двигательын могай состоянийыште улмыжым йодын. Тудо чыла радамын ойлен да акым ик ырымат ом волто манын, нунын дене «ПЭК» компаний уло, тудо двигательым налше деке намиен кертеш. Чыла радамын кутырен келшымеке, налше еҥ картыш оксам кусараш темлен. Пӧръеҥ нунын дене Сбербанкын банкоматше уке манын да паспорт данный почеш оксам кусараш йодын (Тарусина Елена Николаевна, паспорт 56 85 380578). Тиде кастенак налше еҥ Бирск оласе Россельхозбанкыш каен, «Юнистрим» международный система гоч оксам кусарен. Оксам налмеке ужалыше еҥ двигательым колтен огыл, оксамат пӧртылтен огыл.

29 октябрьыште Пенсионный фондын Мишкан районысо управленийжын специалистше деч увер пурен, Тымбай ялыште илыше ўдырамаш 2018 ий 29 ноябрьыште колен, а тудын колымыж нерген Пенсионный фонд управленийыш 2019 ий 25 октябрьыште гына увертареныт. Тидын марте палыдыме еҥ колышо еҥын счетшо гыч 93126 теҥге оксам налын.

25 ноябрьыште Чорайыште илыше увертарен, тудо 30 сентябрьыште А. В. Семенов ИП дене тєрзам шындаш договорым ыштен, 22000 теҥге взносым 1982 ийыште шочшо Байтурин Тимур Ураловичлан тўлен. Тиддеч вара Байтурин Тимур Уралович деч нимогай увер уке, тӧрзамат шынден огыл.

2020 ийыштат мошенник-влакын осал пашашт регистрироватлалтын.

20 январьыште Мишканыште илыше палыдыме еҥым уголовный ответственность почеш мут кучаш шогалташ йодын. Мошенник тудым ондален 200000 теҥге оксажым налын. Рашемдыме, 17 январьыште 84996480857 номер гыч палыдыме еҥ йыҥгыртен да Сбербанкын пашаеҥже Александр улам манын, увертарен, республикыште мошенник-влак озаланат, сандене карт-влакын безопасностьышт текшыралтеш манын, ик жап гыч уэш йыҥгырташ сєрен. Икмыняр жап гыч 49993553012 номер гыч йыҥгыртен, паспортный данныйым диктоватлаш йодын. Тыгай звонок-влак тўрлє номер гыч пуреныт - 4959477869, 84997900926, 4956131649, 4956049703, 4952460508, 4991723010, 4993945536, 4954104890, 4956753014, 4994642488, 4997071936, 4956271719.

20 январьыште, банк отделенийыште тудлан 17 январьыште 201005,03 теҥге кредит оформитлалтме нерген выпискым пуэныт.

Мошенник-влак писын ўшаныше граждан-влакым ондалаш у деч у йӧн-влакым шонен луктыт. Сак лийза! Палыдыме номер гыч толшо звоноклан ида вашеште.

Е. ИСАКАЕВ, уголовный розыскын пашаеҥже.