«Герой-влак аллей» Мишкан селан сынжым вашталта

«Герой-влак аллей» Мишкан селан сынжым вашталта

«Формирование современной городской среды» федеральный программа ола ден села-влаклан сыныштым вашталташ да парк ден уремлам тӱзаташ полша.

Мишканыште илыше ятыр еҥ ден селаш толшо уна-влак, Сеҥымаш мемориал воктене печым рончымым ужмеке, виклан йодыш-влакым пуат: «Тыште могай паша ышталтеш? Печым молан комареныт?»

Калыклан вашмутым пуаш манын, ме йодыш-влак дене Мишкан район муниципальный район администрацийын строительство

да жизнеобеспечений отделже начальник Емельян Семенов деке мийышна.

- Емельян Иванович, Сеҥымаш мемориал йыр могай паша ышталтеш?

- Ме теният «Формирование современной городской среды» программыште «Мишкан селасе Ленин уремыште Гази Загитовлан

памятник ден герой-влак аллей» мемориальный комплексын общественный территорийжым тӱзатымаш» проект дене участвоватлаш кумылаҥна. Мемнан район тиде программышке кокымшо ий почела ушна, тылеч ончыч «Ава ден икшывыже» паркым тӱзатыме.

- Тиде проект кышкарыште пашалан оксам кӧ ойыра?

- Оксан утларак ужашыже федеральный да республиканский бюджет гыч ойыралтеш. Софинансирований, конешне, верысе

бюджет гычат лиеш, но ме кугу оксам она ойыро.

Палдарымеке, Емельян Иванович мыланна «Герой-влак аллейын» проектшым ончыктыш. Варажым ешарыш:

- «Сеҥымаш» мемориал йырысе территорий жаплан келшышын кояш тӱҥалеш. Вашке уэмшаш марий историй да культура рӱдер

дене пырля сквер туристический сынан посна зона лиеш.

- Эскиз гоч коеш – пашам эше пеш шуко ыштыман. Кунам нуно эртаралтыт?

- Паша кок этап дене ышталтеш. Тений тиде пашалан 8 млн 562 тӱжем теҥге ойыралтеш, вес ий – эше 13 млн 839 тӱжем теҥге. Но нине цифр-влак вашталтын кертыт. Нуно плановый гына улыт.

- Тений могай пашам шукташ палемдыме?

- 2020 ийыште парк кӧргыштӧ йолгорно ышталтеш, панар-влак чӱкталтыт. Пашан икымше этапшым октябрь мучаш марте

пытараш палемдыме. Но коронавирус шарлымаш, конешне, планым пудыртен кертеш. Кокымшо этап шотышто. Вес ий изи

архитектурный форма-влакым, Гази Загитовлан памятникым вераҥдаш, паркым ужарташ палемдыме.

- Пашам кӧ шукта?

- Конкурс почеш, «Уфастройсервис» ООО-м ойырен налме.

Ончыкылык сквер Мишкан сельсовет сельский поселенийын

территорийыштыже верлана, тудак заказчик улеш. Тидлан кєра ме икмыняр йодышым Мишкан сельсовет СП администраций

вуйлатыше Рустам Ишмакаевланат пуна.

- Уэмдымаш деч вара сквер эше моторрак лиеш. Тушто военно-патриотический сынан тӱрлӧ мероприятий-влак эртаралтыт.

- Рустам Адгатович, печым уже комарен налме, тротуарысе плитке-влакым рончен пытарыме, манаш лиеш. Ятыр еҥ йодышым пуа: нине материал-влак селам тӱзатыме моло пашаште кучылатлтыт але уке? Вет нуно эше тошто огытыл.

- Кучылталтыт. Нине материал-влакым ме районысо социальный объект-влакым тӱзаташ пуэна. Плиткын ужашыжым Мишкан селасе руш православный черкылан пуаш палемденна, моло ужашыжым – Ленинский да моло яллашке. Нунын полшымо дене

Кугу Отечественный сарын участникше-влак лўмеш мемориал да моло объект-влак тӱзаталтыт. Ме тиде пашам текшыренак шогена.

Сай материал ниугашкат ок йом да пӱтынь калыклан пайдале объект-влакым тӱзаташ ойыралтеш.

- Сайын коеш – паркыште пушеҥге-влакым пӱчкеденыт. А нуным пӱчкедыде скверым тӱзаташ ок лий мо?

- План почеш палемдыме йолгорнышто шогышо пушеҥге-влак гына пӱчкылтыныт. Виклан палемден кодымо шуэш – пеш шагал пушеҥгым сӱмырымӧ. Вашке скверым чоҥымо паша у вийым налеш, да тудет палын тӱзлана да моторештеш.

Татьяна ГОРДЕЕВА.