Доктор шке толеш

Доктор шке толеш

20 мартыште Мишкан селасе Ф. Буляков лӱмеш 1 №-ан лицейыште лицензированный стоматологический кабинетым торжественно почмо. Тунемме заведений ден Мишкан ЦРБ коклаште стоматологический кабинетым арендышке безвозмездно пуымо нерген

договор подписатлалтын.

Торжественный мероприятийыште почетный уна-влак - образований отдел начальникын заместительже Г. Сергеева, Мишкан ЦРБ-н тӱҥ врачше И. Абзалтдинов, рӱдӧ районный бльницын йоча врач-стоматологшо С. Калугина лийыныт.

Саламлыме шомак дене Ф. Буляков лӱмеш 1 №-ан лицейын директоржо Е. Малмыгин выступатлен.

- Мемнан лицей тӱрлӧ образовательный проектлаште чолган участвоватла. «Взлетай!» проект сайын стартоватлен. Тиде проект кышкарыште таче «Здоровая улыбка» модуль пашам ышташ тӱҥалеш - стоматологический кабинет почылтеш. Ме тиде событийлан пеш куаненна. Ынде поликлиникыш кошташ, черетыште шогаш огеш кўл, доктор шкеже мемнан деке толеш. Кабинет кызытсе жаплан келшыше оборудований дене пойдаралтын, тудо чыла йодмашлан келшен толеш, лицензийым налме. Кабинетлан

пашам сайын ышташ тыланена, йочана-влак таза лийышт.

Мишкан рӱдӧ районный больницын тӱҥ врачше Ильдар Жанович тиде событий дене саламлен, шке шарнымашыж дене пєлал-

тын:

- Иктаж 30 ий ончыч мый шке школлашке санацийыш лектын коштынам. Условий йєршын гаяк лийын огыл, «полевой» манме креслом вераҥдаш логалын.

Оборудованийжат кызытсе гай лийын огыл. Туге гынат ме йоча-влакым эмленна. Варажым йодмаш пеҥгыдемын, тыгай

лекмаш-влакым чарыме. Тиде проблемым ужмылан мый пеш куаненам. Ӱшанен кодам, тиде кабинет тӱҥалтыш гына, умбакыжат ты паша шукталтеш. Кабинет сай, жаплан келшыше. Эн тӱҥжӧ, тудо пашам ыштыже. Больница могырым ме мо кӱлешым чыла

ыштена. Тиде кабинет эмлаш, таза илыш йӱлам кучаш ӱжаш тӱҥалеш. Пеш кўлешан паша. Тау правительствылан, тыгай программым лукмыжлан да школ вуйлатыше-влаклан, ты программыш ушнымыштлан. Образований отдел начальникын заместительже Гузель Низамовна шке выступленийыштыже тиде событий школлан гына огыл, а районлан, республикылан пале

событийыш савырна манын. Образований отдел лўм дене кабинетлан пашам сайын ышташ, йоча-влаклан таза лияш тыланен.

Икымше пациентым йоча врач-стоматолог С. Калугина ончен, тудлан медшӱжар И. Аликаева полышкален.

Кабинетын пашам ыштыме графикше эше тўрыснек пеҥгыдемдалтын огыл. Тудо ончыкыжым кушкыжмын да изарнян 10 гыч 15

шагат марте ышташ тӱҥалшаш.

Татьяна ГОРДЕЕВА.