Башкортостан Республик Государственный Погын - Курултайлан лӱмлалтше почтовый конверт лектын

Башкортостан Республик Государственный Погын - Курултайлан лӱмлалтше почтовый конверт лектын

Тудым регионысо государственный властьын законодательный органжым ыштымылан 25 ий теммылан лукмо. Конвертыште стандартный почтовый марка пелен Уфасе Курултайын зданийже ончыкталтын да тыге возалтын: «Государственное Собрание -Курултай Республики Башкортостан. 25 лет».

Конверт дене пырля лӱмын кусарыме датан почтовый штемпель тыгаяк сӱрет да возымо текст дене луктылтын. Тудын постоянный прописка вержылан Уфимский почтамтыште верланыше 450000 почтовый отделений шотлалтеш.

Башкортостан Республикысе УФПС директор Ирек Галимовын мутшо почеш, у конверт коллектционер-влак коклаште кугу йодмаш дене пайдалана. Конвертын тиражше 500 тӱжем экземпляр. тудын икымше партийже Башкирийысе да РФ-ын вес кундемласе почта отделенийлашке колталтын.

В. Абукаев.