Агропром: вашталтме жап

Агропром: вашталтме жап

Государство ял калыклан полшаш «Агростартап» государственный программым ямдылен. Тиде программа почеш шылым але шєрым ыштен налшашлан шке озанлыкым вияҥдаш государство деч вич миллион теҥге марте оксам налаш лиеш.

Мо дене вара ойыртемалтеш тиде программа, кӧ тушто участвоватлен кертеш? Тиде да моло йодыш-влаклан вашешташ район администраций вуйлатышын ял озанлык шотышто заместительже, ял озанлык отделын начальникше Д. Усманов деч йодна.

- Дамир Тагирович, ты программа нерген изишак палдарыза.

- Вигак каласем, чыла тӱрлӧ собственность форман озанлыкым вияҥдаш ты оксам софинансирований условий да конкурс негызеш налаш лиеш. Софинансирований условий почеш шке окса 10 процент лийшаш, 90 процентшым государство тӱла. «Агростартап» программыште участвоватлаш конкурсым эрташ кӱлеш. Тидлан БР-се ял озанлык министерствыш бизнес-планым колтыман. Шке озанлыкым ыштыме да вияҥдыме нерген раш проект лийшаш. Конкурсный комиссий тиде проектым лўмын ямдылыме шкала дене акла. Кӧн проектше эн шуко баллым пога, тудо государство деч полышым налеш.

- Грант почеш мыняр оксам налаш лиеш?

- Мыняр окса ойыралтме фермерын шкетын пашам ыштымыже але кооперативыште улмыжо, проект почеш могай пашам намийшашыж деч шога. Мутлан, тӱкан кугу вольыкым ашныме пашам вияҥдышашлан 5 миллион теҥге марте оксам налаш лиеш, но чумыр роскотын 90 процентше деч шуко лийын ок керт. Моло тўрлє пашалан ойырымо оксан кугутшат вес тўрлє лиеш.

- Дамир Тагирович, лудшо-влаклан эн ончычак ты Грантым кє налын кертшашым палаш оҥай лиеш, очыни.

- Грантым налын кертыт:

- Башкортостан Республикыште эртыше финанс ийыште регистрироватлалтше крестьян (фермер) озанлык-влак. Озанлык грантым налмыж деч вара вич ий деч шагал огыл проектыште ончыктымо пашажым шуктышаш;

- ял озанлык министерствын моло тӱрлӧ грантшым налдыме-влак (мутлан, «Тӱҥалтыш фермер» але «Еш вольык ферма»);

- грантым налшаш претендент пытартыш кум ий жапыште юридический лицом ыштыде предприниматель пашам шуктен огыл але иктаж-могай коммерческий организацийын учредительже (участникше) лийын огыл. Тышке крестьян (фермер) озанлык, кудыжын вуйлатышыжлан шотлалтеш, ок пуро;

- личный подсобный озанлыкын озаже. Условийже почеш грантым налшаш претендент грантым налмыж деч 30 кече ончыч КФХ-м Федеральный налоговый службышто регистрироватлышаш.

- Грант дене налме оксам молан кучылташ лиеш?

- КФХ кучылт кертеш:

- «Агростартап» проект почеш крестьян (фермер) озанлык ял озанлык продукцийым ыштен налшашлан ял озанлык пашалан палемдыме мланде гыч мланде участкым налаш;

- ял озанлык продукцийым лукташ, аралаш да перерабатыватлаш производственный помещенийым, складлан зданийым чоҥаш але улшо зданийым реконструироватлаш проектный документацийым ышташ;

- производственный да складский помещенийлашке электричествым, вўдым, газым да шокшым пурташ;

- вольыкым (сӧсна деч посна) але сурт кайыкым налаш;

- колым ашныше-влаклан тыгыде кол-влакым налаш;

- ял озанлык техникым, тушко прицепной ден навесный оборудований пурат, грузовой автомобильный транспортым, мобильный торговльым намияш специализированный автомобильный транспортым, тыгак ял озанлык продукцийым ыштен налаш да перерабатыватлаш оборудованийым (сӧсна продукцийым ыштен налаш да перерабатыватлаш оборудований деч посна) налаш;

- шуко ияш кушкыллан урлыкашым, тышке виноградат пура, налаш;

- российский кредитный организаций гыч, 3-шо да 7-ше подпунктышто ончыктымо цельлан налме кредит почеш порысым петыраш, грантым налаш йодмашым пуымо жаплан ты кредитым налмылан 2 ий эртен огыл гын.

Кооперативыште шогымо годым грантым кучылташ лиеш:

- ял озанлык кооперативлан производственный объектлан оборудованийым налаш (продукцийым ямдылаш, аралаш, перерабатыватлаш, сортироватлаш, вольыкым шӱшкылаш, йӱкшыктараш, ужалаш ямдылаш, грузитлаш, ястараш, тыгак лукмо продукцийлан ветеринарно-санитарный экспертизым эртараш лабораторийлан).

- Грантым могай условий дене налаш лиеш?

- Йодмашым возышо ончыч окса полышым, субсидийым але грантым предпринимательский пашам тўҥалашлан налын огыл гын;

- крестьян (фермер) озанлык грантым налмаште тудым сеҥышылан увертарыме деч 30 кече ончыч Федеральный налоговый службышто регистрироватлалтшаш;

- йодмашым возышын крестьян (фермер) озанлыкым вияҥдыме шотышто бизнес планже лийшаш, тиде план почеш ыштен налме ял озанлык продукцийже кугем толшашым ончыктымо показательже ончыкталтшаш. КФХ-н бизнес планже почеш грантым налме деч вара вич ий жапыште тудо шке роскотшым тўрыснек пєртылтышаш. Тидын годым бизнес планыште ончыктымо роскотын лу процент кугытшым шке кўшеш петырышаш;

- грантым налаш шонышо йот элын юридический лицожо лийшаш огыл.

- Грантым налаш могай документ-влакым пуыман?

- Сайын поген, урген да нумероватлен, подпись да печать (уло гын) дене пеҥгыдемдыме документ-влак дене пырля йодмашым:

- РФ гражданинын паспортшын копийжым;

- йодмашым возышо документ-влакым пуымо жаплан индивидуальный предприниматель семын Единый государственный реестрыште крестьян (фермер) озанлыкым регистрироватлен гын, крестьян озанлыкын выпискыжын копийжым;

- роскот планым;

- РФ налоговый орган гыч нимогай порыс уке нерген справкым;

- чумыр роскотын 10 процентшым тўлен кертмым пеҥгыдемдыше документ;

- БР муниципальный образований администраций гыч йодмашым возышо ончыч, озанлыкым регистрироватлыме марте, субсидийым але грант семын окса полышым налмыже але налдымыже нерген серышым; КФХ-н бизнес-планже але ко- оперативын бизнес-планже (кажне бизнес-план посна папкыште лийшаш, чыла лаштыкше ургалтшаш да нумероватлалтшаш, печать дене (уло гын) пеҥгыдемдалтшаш);

- недвижимость шотышто единый государственный реестр гыч йодмашым пуышын недвижимый объектше-влак улмо да тудым «Агростартап» проект почеш кучылташ лийме нерген выпискым;

- министерствын пеҥгыдемдыме форма почеш (крестьян (фермер) озанлык конкурсышто сеҥышылан увертаралтмеке) 15 кече жапыште озанлыкым Федеральный налоговый службышто регистрироватлаш ямде улмо нерген обязательствым;

- Министерствын пеҥгыдемдыме формыжо почеш чумыр роскотын 10 процентшым тўлаш ямде улмо нерген обязательствым.

«Агростартап» грант нерген утларак раш ял озанлык отделын специалистше-влак дене рашемдаш лиеш.

Вениамин КОНДОГИН.