Келшымаш
-19 °С
Пылан
Все новости
Тӱрлӧ
4 теле 2020, 14:41

«Чолга да чулым лияш сай!»

Кульчубайыште чапле спорт площадкым чоҥымо

«Чолга да чулым лияш сай!»
Спортивный объект ППМИ программа кышкарыште ышталтын. Тиде программа почеш проект-влакым
илышыш шыҥдараш окса республик бюджет гыч ойыралтеш. Тидын годым роскотын ужашыжым петыраш оксам калык шке погышаш да проектым илышыш шыҥдарыме пашашке ушнышаш.
Тиде проектышке Тымбай сельсовет сельский поселений администрацият ушнаш лийын. Верысе калыкын чолгалыкшылан кӧра нунын проектышт сеҥышыш лектын.
Тыге Кульчубайыште чапле спорт площадка ышталтын. 2020 ий юбилейный улеш. Тений Мишкан районлан 90 ий темын, а Кульчубай яллан – 390. Юбилейлан ямдылалтме кышкарыште идалык тӱҥалтыште калык погынымашым эртарыме. Тушто идалыклан мероприятий-влак планым рашемдыме, оргкомитетым сайлыме. Планын ик пунктшо ППМИ программа почеш тӱрлӧ тренажеран спорт площадкым ыштымаш лийын. Конкурсышто сеҥымеке, ятыр пашам ышташ кўлын: ондак сертификатан тренажёр-влакым ужалыше-влак дене кутырен келшаш, комерческий предложенийым ышташ, технический заданийым ямдылаш, договор проектым ышташ.
Тиде пашам Вячеслав Андреев шуктен. Вес пашаже оксам погымаш лийын. Тушто Марина Апсаликова тыршен. Тыште кугу полышым спортын ветеранже-влак ончыктеныт. Варажым верысе чолгаеҥ, транспортан еҥ-влакын
вийышт да ДРСУ грейдерже дене полшымо дене спорт площадкым тўзатыме.
Кульчубай калык чолгалыкше да спорт дене пеҥгыде кылым кучымыж дене ойыртемалтеш, ялын шочшыжо-влак спортышто изи огыл сеҥымашыш шуыныт.
Мутлан, марафон дене тӱнямбал классан спорт мастер Григорий Андреев кум Олимпийский модмаште участвоватлен, Александр Андреев офицерский многоборье дене спорт мастер, пистолет дене лӱйкалыме шотышто спорт мастер улеш, Валерий Байрамов – ече дене таҥасымаш дене спорт мастер, Леонид Байрамов – физический культурын заслуженный пашаеҥже.
Ялыште моло еҥат физкультур да спорт дене пеҥгыде кылым куча: илалше-влак скандинав йӧн дене коштыт, ече дене куржталыт.
Самырык-влак спортын моло видше денат пеҥгыде кылым кучат. Ончыкыжым тыгай еҥ-влакын чотышт артен веле шогышаш. Тӱрлӧ тренажер-влакым вераҥдыме спорт площадкыште ял калыклан тазалыкшым шуараш чыла йєн уло. Икманаш, ме пеҥгыдын каласен кертына: проектым илышыш шыҥдарымаш - калыкын тазалыкшым да чолгалыкшым вияҥдаш полша. Тушко телымат, кеҥежымат мияш лиеш.
Спорт площадкыште изи йоча-влаклан модашыштат вер уло. Тидлан ава-влак моткоч куаненыт. Арам огыл объект 28 ноябрьыште – Аван кечыже вашеш почылтын.
Спорт площадкым почмаш мероприятий, поро йӱла почеш, йошкар лентым пӱчмаш гыч тӱҥалын. Тидым ышташ чапым ялын шочшыжо, Мишкан район МР администрацийын ончычсо вуйлатышыже В. Андреевлан, Мишкан район МР администраций вуйлатышын финанс йодыш шотышто заместительже – финанс управлений начальник З. Шамсутдиновалан да Д. Ямаевлан пуымо.
Мишкан район МР Советын секретарьже Т. Коледина В. Андреевлан – ППМИ-шке ушнаш да тиде объектым чоҥаш кумылаҥдымыжлан да пале надырым пыштымыжлан - Мишкан район МР администраций да Совет лӱм
дене тауштыме серышым кучыктен.
Тылеч вара салам шомак-влакым ойлымо да проектым илышыш шыҥдараш полшышо-влакым тауштыме. Ялын
шочшыжо Г. Зайниев йоча жапшым шарналтен: кузе нуно спорт дене кылым кучен кушкыныт, чолга лияш тыршеныт.
В. Андреев жаплан келшен толшо тренажерный площадкым ыштыме верч тыршыше-влакын чылаштынат лўмыштым ойлен. Калыкын шонымашыжым илышыш шыҥдарыме верч Кульчубайыште илыше-влак веле
огыл, ялын моло кундемлаште илыше шочшыжо-влакат тыршеныт. Тымбай сельсовет сельский поселений вуйлатыше Д. Янгубаев шкенжын выступленийыштыже ӱшандарен: у объект йоча ден самырык-влакым веле огыл, илалше-влакымат спорт дене кылым кучаш тараташ тӱҥалеш.
Торжественный церемоний деч вара ожсо йўлам шуктымо. Вўдышє умылтарен: спорт площадкыште ончыкылык чемпион да уста спортсмен-влак кушкышт манын, тренажерышто шкенжын усталыкшым проектым илышыш
шыҥдараш кумылаҥдыше еҥ ончыктышаш. Тыгай еҥже В. Андреев улмаш. Виталий Михайлович турникыште тӱрлӧ упражненийым куштылгын ыштен. Калык тудын чолгалыкшым совым рўж кырен аклен.
Икманаш, ялыште йоча ден самырык-влаклан примерым налшаш еҥ-влак улыт.
Тымбай сельсовет сельский поселений администраций 2021 ийыште ППМИ программыште участвоватлаш куымлаҥын. Нунылан шушаш ийыштат тушто сеҥышыш лекташ тыланена.
Светлана ТОЙМУРЗИНА.