Келшымаш
-11 °С
Лум
Все новости
Тӱрлӧ
20 Кылме 2020, 15:59

Мемнан-влак сай коклаште

Мишкан агропромышленный колледжын студентше-влак WorldSkills чемпионатлаште участвоватлат

Мемнан-влак сай коклаште
Кажне ийын мемнан республикыште да чумыр элыштына WorldSkills чемпионат эртаралтеш. Тиде чемпионатын цельже - пашазе профессийым чапландараш, паша профессийын у стандартшым пурташ, кыдалаш да высший профессиональный образованийын экзаменационный системыжым WorldSkills стандартым кучылтын уэмдаш.
Участник-влак профессийын куд блокыштыжо таҥасен, шке мастарлыкыштым нєлталыт. Тиде - чоҥымо отрасль, информационный да коммуникационный технологий, творчество да дизайн, промышленный производство, услуга сфера да гражданский транспортым обслуживатлымаш.
Профессиональный ямдылалтмашым да самырык специалист-влакым профессийлан туныктымын кўлешлыкшым шотыш налын, агропромышленный колледж таҥасымашын региональный этапышкыже студент-влакым ямдыла да тушко ушнышо-влакым кумылаҥден шога.
Пытартыш ийлаште Мишкан агропромышленный колледжын студентше-влак республикыште эртаралтше WorldSkills чемпионатыште кумылын участвоватлат. 2020-2021 тунемме ийыште WorldSkills Russia «Молодые профессионалы» VI региональный чемпионатын отборочный турыштыжо «Кирпичная кладка», «Поварское дело», «Экспулатация сельскохозяйственных машин» компетенций-влак дене участвоватленыт. Участник-влак ондак колледжыште икымше конкурсный отборым эртеныт.
Светлана Баязова, «Повар, кондитер» профессий дене 3 курсышто тунемеш. Чемпионатын отборочный турыштыжо «Поварское дело» компетенций дене 22 участник кокла гыч 3-шо верым налын да эн сай вич участник коклашке логалын. Чемпионат Уфаште 26-27 октябрьыште эртен. Конкурсный заданийыш Paysanne пакча-саскам пўчкедымаш, майонез соусым шке кид дене ямдылымаш, чыве мокш гыч паштет йўштӧ закускым кок гарнир дене ямдылымаш: багет да жаритлыме кавун, брусничный сосус пуреныт.
Вадим Валиев, «Мастер общестроительных работ» профессий дене 3 курсышто тунемеш. «Кирпичная кладка» компетенций дене вич призер радамыш логалын. Чемпионатын отборочный туржо Уфаште эртен, 3-шо вер. Республикысе тўрлє район да ола гыч 7 команда гыч рвезе-влак схема почеш кермычым оптеныт.
Кирилл Александров - 3-шо курсын студентше «Эксплуатация сельскохозяйственных машин» компетенций дене чемпионатын отборочный турыштыжо участвоватлен. Конкурс Белебей олаште 10-12 ноябрьыште эртен. Конкурсный заданийыш кум модуль пурен: электрооборудований, двигатель, ял озанлык машинан механический приводшо. 11 команда участвоватлен. Мемнан участник 4-ше верым налын да эн сай вич участник коклаш логалын.
Чемпионатыште участвоватлаш студент-влакым преподаватель да производственный туныктымашын мастерже-влак Е. Ямаева ден Л. Аспаева (поварское дело), А. Саликаев ден Э. Сафин (эксплуатация сельскохозяйственных машин), Г. Искаков (кирпичная кладка) ямдыленыт.
WorldSkills Russia чемпионат ончыкыжым студент-влаклан специальностьышт дене пашаш пураш полша, участниклан Skills Pasport чемпионатын участникше лўм пуалтеш. WorldSkills молодежьым, производствын мастерже да педагог-влакым уша, самырык-влакым профессиональный мастарлыклан туныкта да ойырымо профессий дене кузе сай радамыш лекташ примерым ончыкта.
М. ГАЙСИНА, методист.