Волонтер-влак пашам ыштат

#МаскаВпомощьКодшо каныш кечылаште Мишканыште #МаскаВпомощь акций эртен. Волонтер да «Самырык гвардийын» активистше-влак Мишканыште медицинский маскым еҥ-влаклан шалатеныт. Акцийын тӱҥ цельже - коронавирус шарлымым чараш.

#МаскаВпомощь

Кодшо каныш кечылаште Мишканыште #МаскаВпомощь акций эртен. Волонтер да «Самырык гвардийын» активистше-влак Мишканыште медицинский маскым еҥ-влаклан шалатеныт. Акцийын тӱҥ цельже - коронавирус шарлымым чараш.

«Вичкыж ий»

Йӱштӧ игече толмо дене вӱд кылмаш тӱҥалын, но тудо эше пеш вичкыж улеш. Сандене моткоч кугу лӱдыкшым ышта.

Еҥ-влак ий ӱмбаке тӱрлӧ амал дене лектыт: корным кӱчыкемдышашлан эҥер гоч вик вончаш тыршат, конький дене мунчалташ, хоккей дене модаш да молат. Но тыгодым вичкыж ийын лӱдыкшӧ улмыжым мондаш огеш кӱл.

Ий ӱмбалне чрезвычайный ситуаций ынже лий манын, волонтер ден самырык гвардеец-влак школышто тунемше да районышто илыше-влаклан «Вичкыж ий» акцийым эртареныт. Нуно еҥ-влаклан ийыште шкем кузе кучаш кӱлмӧ нерген умылтарыме букет-влакым шалатеныт.

Акцийын тӱҥ цельже - еҥ-влакын ий ӱмбалне шкем кучымо шинчымашыштым кугемдаш, эҥгекыш логалшылан полышым пуэн мошташ.

Ме районышто илыше-влакым вӱд воктене моткоч сак лияш ӱжына. Мероприятий противоэпидемический мерым тӱрыс шуктен эртаралтын. Пагалыме мишкан-влак! Тендан тазалыкда - шке кидыштыда!

О. БИКТУБАЕВА