Келшымаш
-17 °С
Пылан
Все новости
Тӱрлӧ
13 Кылме 2020, 13:57

Шекланыза: кайык грипп!

Башкортостан Республикысе Мишкан районный ветеринарный станций ГБУ Россий Федерацийыште кайык грипп шотышто эпизоотический обстановка нелемме нерген увертара.

Шекланыза: кайык грипп!
Ты черым Челябе областьыште, Татарстан Республикыште (Муслюм район, Буинский район да молат) регистрироватлыме. А типан кайык грипп (Н5 подтип) крестьян-фермер озанлыклаште да посна еҥ-влакын оралтыштышт осаллана. А тидыже Башкортостан Республикысе Бакале район деч 10 километр тораште веле улеш. Чыла тидыже моло кундемлашке чер шарлен кертме лўдыкшым ончыкта.
Ты черлан кӧра 175 тўжем кўркам ашныме кугу комплекс эҥгекыш логалын. Ветеринарно-санитарный мероприятий годым комплексыште чыла кайыкым пытарыме.
Башкортостан Республикыш ты чер пурен кертме лўдыкшым шотыш налын, чыла собственность форман озанлык оза-влаклан тыгай мера-влакым шукташ темлена:
1) сурт кайыкым шала кондыштараш огыл (вичаште гына ашныман);
2) кайык-влак деке госветслужбын специалистше-влак деч посна моло еҥым пуртыман огыл;
3) госветслужбын специалистше-влаклан профилактический да противоэпизоотический мероприятий-влакым эртараш чаракым ыштыман огыл, йодмышт почеш кайыкым ончаш вик пуыман;
4) кайыкым, кайыклан кормам, кайык продуктым ветеринароно-сопроводительный документ деч посна, палемдыдыме верлаште налаш огыл;
5) сурт-оралтыште ашныме кайык-влакым ир кайык-влак дене контактыш (пєрткайык, кӧгерчен, корак да молат) пурташ огыл;
6) сурт кайыкым чот йўштӧ толмым вучыде шўшкылаш кўлеш.
Чыла тўрлӧ сурт кайыкым ашныше-влак суртышто колышо чыве, комбо, лудо да моло кайык нерген юватылде Мишкан райветстанцийын специалистше-влаклан увертарышаш улыт.
Контактный телефон: Мишкан райветстанций ГБУ - 8(34749) 2-10-43; 8 (34749)2-17-58.
Фирдаус КАДИКОВА ямдылен (Мишкан районысо ветеринарный станций ГБУ-н материалже негызеш).