Келшымаш
+14 °С
Пылан
Все новости
Тӱрлӧ
6 Кылме 2020, 15:51

Виян да лӱддымӧ лияш шонышо-влаклан

Октябрь тӱҥалтыште Боевой Чап республиканский музейыште «Кугешнена! Шарнена! Аклена!» патриотический воспитанийшотышто эн сай муниципальный практика республиканский конкурсышто сеҥыше-влакым наградитлымаш эртен.

Виян да лӱддымӧ лияш шонышо-влаклан
Ты мероприятий 3 август гыч 3 сентябрь марте эртен. Мероприятийын цельже - Самырык-влак коклаште патриотический
шӱлышым нӧлталме пашам саемдаш да эн сай пример-влакым кумдан шараш. Организаторжо Башкортостан Республикысе молодежный политика министерство лийын. Сеҥыше-влаклан сертификат-влакым республик правительствын вице-премьерже Ирек Сагитов кучыктен.
Конкурсышто муниципальный район ден ола округ-влак участвоватленыт. Кок номинаций дене чылаже 43 йодмаш пурен.
Номинаций-влак тыгай лийыныт - «Юнармия» Всероссийский йоча-юношеский военно-патриотический мер толкынын верысе отделений-влакым вияҥдымаш» да «Отечествым аралыше-влак нерген шарнымашым аралыме системный подходым организоватлымаш». Мемнан район икымше номинацийыште участвоватлен да кокымшо верым налын, тидлан
150 тӱжем теҥге кумылаҥдыме окса премийым налын (проектын вуйлатышыже «Путник» ЦТДЮ-н методистше Екатерина Биктышева).
Районышто тиде толкынын кузе вияҥме корныжым шергал лекташ уто огыл. Кызыт мемнан элыште самырык-влакым патриотически воспитатлыме паша вийым налаш тӱҥалын. Тидыже рвезе-влакым армийлан ямдылымаш дене гына огыл кылдалтын, а ончыкылык профессийым ойырымаштат моткоч кӱлешан улеш. Мутлан, утарыше, социальный пашаеҥ,
пожарный, правам аралыше органласе пашаеҥ-влак да молат.
2016 ийыште «Путник» йоча-юношеский туризм рӱдер пелен «Юнармия» военно-патриотический движений ышталтын. Тудын шке программыже уло.
- Юнармийын тӱҥ ойыртемже - самырык-влакым писылыклан, чулымлыклан, чытымашлан, шотым муаш,ӧткырлыклан, лӱддымылыклан, коллектив дене илаш да пеҥгыде дисциплинылан туныкта. Тыгай койышлан туныктымаш физический культурым общественно-политический, уш-акыл, чон моторлык да художественно-эстетический умылымаш деке уша. Шочмо элын геройло корныжым шымлен, юнармеец-влак у подвиглан кумылаҥыт, - ойла Е. Биктышева.
2017 - 2020 ийлаште самырык-влакым Юнармий толкыныш вич гана торжественно пуртымо. Пандемийлан кӧра кызытеш ту
толкыныш пуртымаш чаралтын, но кумылан-влакын чотышт погалтеш. Тачысе жаплан Мишкан районышто 188 самырык еҥ ты радамыш ушнаш товатлен. Районышто 13 отряд ышталтын: «Ардаш» отряд, «Кугу Соказа» отряд, «Ирсай» отряд, «Кемий» отряд, «Изи Накаряк» отряд, «Новотроицкий» отряд, «Мишкан-1» отряд, «Мишкан-2» отряд, «Ленинский» отряд, «Кӱрзе» отряд, «Чорай» отряд, «Монар» отряд, «Тымбай» отряд.
Могай школ пелен отряд ышталтын, тушто приказ дене палемдыме юнармий толкынын координаторжо уло. Тиде корно
дене паша тӱҥ шотышто Мишкан да Бурай районласе военный комиссариат дене пырля шукталтеш. Тиде толкыныш у еҥ-влакым Воинский Чап да моло лӱмлӧ кечылаште, районный да республиканский мероприятийлаште торжественно пуртат. Тидын годым чыла воинский йўла шукталтеш да товатмут йоҥгалтеш. Ончыкыжым, пандемийлан кӧра, «Юнармий» толкыныш онлайн йӧн дене пуртымо йодыш ончалтеш.
Пытартыш ийлаште ты толкын шуко рвезын кумылжым савырен. Вет нуно раш умыленыт, лач «Юнармий» гына нунылан шкем шуараш да ончыкылык илышлан полша. Тыге, пытартыш кок ий жапыште кум юнармеец военный учебный заведенийын курсантше радамыш ушнен: Санкт-Петербург оласе А. Ф. Можайский лўмеш военно-космический академий
(Станислав Васильев), Санкт-Петербург оласе армий генерал А. В. Хрулев лўмеш материально-технический обеспечений военный академий (Ильмар Батыров), ФСБНГРФ Саратовский военный краснознаменный институт (Николай Павлов). Мишкан да Бурай районласе военный комиссариат «Весна-2020» призывыште кок юнармеецым армийыш колтен: Эдуард Тимуршин (Пўрӧмучаш ял) ден Герман Зайнакаев (Ваксола ял). Нуно коктынат Саблино К-75, 28037 войсковой частьыш
логалыныт.
Пытартыш кок ий жапыште «Путник» сай результатыш шуын толеш. Тудо республикыште ешартыш образований-влак коклаште ик эн чапланыше учреждений улеш.
«Юнармия» программым илышыш пуртышашлан мемнан материально-технический базына уло. Мишкан да Бурай районласе военный комиссариатын полшымыж дене 2020 ий январьыште «Путник» рўдерыште учебный класс почылтын. Тушто «Самырык парашютист», «Юнармеец» да «Самырык стрелок» ушем-влак
пашам ыштат.
2017 ийыште «Путник» рўдер школьный автобусым, кеҥежымсе юнармейский формым налме. «Юнармий» толкын чыла пашаже район администраций, военный комиссариат, образований отдел, МВД отдел, ийготыш шудымо-влакын пашашт шотышто комиссий, агропромышленный колледж, Культура дворец, сельский поселений да молодежный мер ушем-влак дене пырля шукталтеш.
Венера АГЛЯМОВА («Путник» рўдерын материалже негызеш).