Келшымаш
-6 °С
Пылан
Все новости
Тӱрлӧ
6 Кылме 2020, 15:25

«Пырля пиалан улына»

Чорай ял гыч Зинфира Набиуллина ден Владимир Дмитриев пиалан еш илышыштын секретше дене пӧлалтыч

«Пырля пиалан улына»
Калык-влак икоян улмо кече вашеш ме лудшына-влакым пиалан интернациональный еш дене палдарена. Тиде ешыште вате ден марий тӱрлӧ калык гыч улыт гынат, икте-весыштым уло кумылын йӧратат да пагалат.
Еш вуй Владимир Дмитриев марий улеш. Тудо Чорай ялын шочшыжо. Озавате Зинфира Набиуллина – тотар, Балтач районышто шочын-кушкын. Владимир Михайлович полиций участковый уполномоченный улеш, Зинфира Занифовна – туныктышо, Чорай ялысе марий гимназийыште пошкырт йылмым туныкта.
Вате ден марий Пӱрӧ оласе ГСПА-ште кумшо курсышто тунеммышт годым палыме лийыныт. Зинфира филологический
факультетыште тунемын, Владимир – технологий да предпринимательство факультетыште. Кок ий таҥ лийын коштмеке, самырык-влак пӱрымашыштым ушаш кумылаҥыныт. 2007 ий мартыште нуно сӧрасеныт, майыште сӱаным ыштеныт. Тылзын лӱмжӧ ден манеш-манеш нуным изишат лўдыктен да єрыктарен огытыл, мӧҥгешла, май тылзыште сӱан пеш
моторын да ямлын эртен.
Еш пыжашым самырык-влак Владимирын шочмо ялыштыже чоҥаш лийыныт. Ик жап илымеке, Зинфира Мишкан район ден
Чорай ялым уло кумылын йӧратен шынден.
Кум ий ончыч самырык-влак вулно сӱаныштым палемденыт. Вулно пушкыдо металл улеш. Тудым тодылаш неле – кадырга
веле. Вате ден марият, калык ой почеш, вулно гай пушкыдо кумылан лийшаш улыт. Вет пиалан еш илышым икте-весым пагален да пелашын изи ситыдымашыже-влакым чытен гына чоҥаш лиеш.
Интернациональный ешыште вате ден марийым ваш йӧратымаш да пагалымаш гына огыл, тыгак кум ўдырышт ушен шогат:
Карина шымше классыште тунемеш, Аделина – кокымшо классыште, Зарина кызыт кум ияш гына. ™дыр-влак мутым колыштшан да уҥган улыт. Ача-ава йылме-влакым сайын палат.
Шуко икшыван еш кугу да йоҥгыдо пӧртыштӧ ила. У суртышко нуно 2009 ийыште илаш лектыныт. Озанлыкышт изи огыл
– кроликым, комбым, лудым, чывым ашнат. Сад-пакчаштышт тўрлє емыж пушеҥге кушкеш: олма, груша, слива...
- Ме пырля пиалан улына, икте-весынам йӧратена да пагалена, - ойлат Зинфира Занифовна ден Владимир Михайлович.
Ешым икшыве-влак дене озанлык веле огыл ушен шогат, ваш йӧратымашым еш дене канымашат пеҥгыдемда. Дмитриевмыт пӱртӱсыштӧ канаш йӧратат. Тыгай канымаш пӱтынь ешлан чолгалыкым, вий-алым да алал кумылым
пєлекла.
Интернациональный еш чӱчкыдын пайрем ӱстел йыр погына. Нуно Калык-влак икоян улмо кечымат идалык еда палемдат.
Озавате тиде кечын пайрем сийлан мелнам, кыстыбыйым да ӧчпочмакым ямдыла.
Шуко икшыван ешыште паша, конешне, шуко. Нунылан йокрокланаш жап уке. Владимир Михайлович ден Зинфира Занифовнан эн кугу пиалышт – икшывышт. Нуно сайын палат – йоча-влак чылалан ондак еш кӧргыштӧ тунемыт, тидлан кӧра ӱдыр-влаклан чыла шотыштат сай пример лияш тыршат.
Светлана ТОЙМУРЗИНА.