Келшымаш
-20 °С
Пылан
Все новости
Тӱрлӧ
30 Шыжа 2020, 16:46

Россий ден законлан служитлат!

1 ноябрьыште Судебный пристав-влак федеральный службын пашаеҥже-влакпрофессиональный пайремыштым палемдат

Россий ден законлан служитлат!
Историй гыч
Судебный пристав-влак служба Российыште акрет жапыштак лийын. Нуно ожно судышко мутым кучышо ден закон пудыртымашым ужшо-влакым ўжыныт, судын пунчалжым илышыш шыҥдараш полшеныт. XVIII курымышто пристав должностьым пытареныт, судын пунчалжым илышыш пуртымым полиций эскераш тӱҥалын. Но полиций ўмбаке тиде пашам кусарымаш сай лектышым пуэн огыл. Коклан, титаклышым, ужшым, мутым кучышым судыш жапыштыже ўжын шуктыдымылан кӧра, суд икмыняр ий дене шуйнен.
Тидлан кєра 1860 ийыште Государственный советын статус-секретарьже С. И. Зарудный, Росийысе ончычсо да касвел элласе закон-влакым текшырен лекмеке, Государственный советлан «О судебных следователях» законым пурташ темлен. Тиде ийыштак, май тылзыште, Александр II кугыжан пунчалже почеш законым йӧплымӧ. Тиде суд реформын икымше ошкылжо лийын, манаш лиеш.
Судебный пристав-влак служба судын пунчалжым илышыш шыҥдараш полшаш ышталтын: Правительствующий Сенатын кассационный департаментшын, суд палатылан, окружной суд-влакын, мер погын-влакын. Судебный пристав-влак службым Октябрь революций деч вара кўлдымашлан шотлымо. Ты жапыште Россий империйын пўтынь судебный системыжым вашталтыме. Совет жапыште судебный пристав-влакын пашаштым суд учреждений системыш пурышо судебный исполнитель-влак шуктеныт. Нунын полномочийышт кызытсе судебный пристав-влакын гай кугу лийын огыл.
1997 ий ноябрьыште «Судебный пристав-влак нерген» да «Исполнительный производство нерген» федеральный закон-влак приниматлалтыныт. Нунын почеш судебный пристав-влак службым пӧртылтымӧ.
2020 ий 1 январь гыч Судебный пристав-влак федеральный служба тичмаш правовой структура статусым налын. Ведомствын пашаеҥже-влаклан офицер званий-влакым пуымо. 328-ФЗ №-ан «Россий Федерацийысе принудительный исполнений органлаште служба да Россий Федерацийын законодательный посна актлашкыже вашталтышым пуртымо нерген» федеральный закон дене келшышын, ведомствын пашаеҥже-влак вий органын пашаеҥышкыже савырненыт.
Судебный приставын оҥеш пижыктыме
знакше нерген
Ожно судебный пристав-влак- лан службыш пурымышт годым посна свидетельствым, печатьым да службым шуктымыжым рашемдыше - оҥеш сакыме знакым пуеныт. Ту жапысе знакын покшелныже судебный ведомствын гербше верланен, йырже возымо лийын: «Судебный пристав 1864 года 20 ноября» знакым судебный пристав-влак той чылвыр дене оҥеш сакен коштыныт.
2006 ий 24 январьыште Россий Федераций Президентын 42 №-ан пунчалже почеш Судебный пристав-влак службылан у геральдический знак ден флагым келыштарыме – кызытсе знакыште фигурный щитыште «ФССП России» манын возымо. Судебный пристав-влак пашаштым шуктымо годым тиде знакым пижыктен коштшаш улыт.
Судебный пристав-влакын товатмутышт нерген
Российысе судебный пристав-влак тўрлӧ жапыште тўрлӧ товатмутым пуэныт. Нуно тыгай йўлам шуктыде пашам нигунам тўҥалын огытыл.
Ожно судебный приставлан пашаш пурышо-влак посна пеҥгыдемдыме йўла почеш товатмутым пуэныт, тылеч вара веле нунын оҥешышт шия‰дыме знакым сакеныт да пашам ўшанен пуэныт.
155 ий жапыште структурышто ятыр паша вашталтын, но ик йўла пеҥгыдын аралалтын кодын – пашам тўҥалме деч ончыч судебный пристав лияш кумылан кажне еҥ государство ден службылан ўшанле лияш сєрымє товатмутым ойла.
Судебный пристав-влакын пашашт нерген
Кызыт судебный пристав-влак судышто порядкым эскерат, порысым жапыштыже пєртылтыдымє юридический лицо-влак государственный реестрым вўдат, коллекторный агентство-влакын пашаштым эскерат да моло пашам шуктат. Пашаштым «Исполнительный производство нерген» 229-ФЗ №-ан федеральный закон, «Судебный пристав-влак нерген» 118-ФЗ №-ан федеральный закон, «Россий Федерацийысе принудительный исполнений органлаште служба да Россий Федерацийын законодательный посна актлашкыже вашталтышым пуртымо нерген» 328-ФЗ №-ан федеральный закон дене пеҥгыдемдыме.
Граждан-влаклан утларакшым судебный пристав-исполнитель-влак дене кылым кучаш перна. Вет судын пунчалжым илышыш пуртымаш лач нунын дечын шога. Тачысе кечылан судебный пристав-влакын полномочийышт кугу, нуно судын пунчалжым тўрлӧ йӧн дене шукташ таратен кертыт. Тидлан нуно тўрлӧ вер гыч кўлеш информацийым, персональный данный-влакым налын, порысан еҥын пашажым текшырен, бугалтерский документацийым терген, порысан еҥын погыжым, счетшо гыч оксажым поген налын, судебный пристав-влак службыш мияш повесткым колтен, порысан еҥ-влак илыме верышке виеш пурен, тушто могай погыжо улым рашемден, кўлеш гын ужален да судын пунчалжым илышыш пурташ полшышо моло йӧным кучылтын кертыт.
Икманаш, судебный пристав-влакын пашашт неле, мутым кучаш таратыше, но моткоч оҥай улеш. Судебный пристав-влак службышко служитлаш Россий Федерацийын кеч-могай гражданинже пурен кертеш. Тидын годым тудын юридический але экономический образованийже, 21 ий деч кугурак ийгот лийшаш улыт. Ончыкылык приставын судимостьшо лийшаш огыл. Тыгак шкенжын да лишыл еҥже, родо-шочшыжо-влакын порысышт лийшаш огыл. Ончыкылык судебный пристав-влак дене могай йодмаш нерген рашрак Россий ФССП-н БР-се управленийжын официальный сайтыштыже пален налаш лиеш: https://r02.fssp.gov.ru.
Фирдаус КАДИКОВА (судебный пристав-влак службын материалже негызеш).