Келшымаш
-27 °С
Пылан
Все новости
Тӱрлӧ
30 Шыжа 2020, 16:19

Исковый йодмаш йӧплалтын

Бирский межрайонный судыш Бирск олаште илыше ӱдырамаш илыме пӧртым да мланде участкым пӧлеклыме нерген договорым чынлан огыл шотлаш да недвижимый объект-влакым озажлан пӧртылташ йодмаш дене лектын.

Исковый йодмаш йӧплалтын
Бирский межрайонный судыш Бирск олаште илыше ӱдырамаш илыме пӧртым да мланде участкым пӧлеклыме нерген договорым чынлан огыл шотлаш да недвижимый объект-влакым озажлан пӧртылташ йодмаш дене лектын.
Исковый йодмашыште палемден, 2018 ий август тылзыште ӱдыржын ондалымыжлан кӧра тудын дене пӧлеклыме договорым ыштен. Тудын условийже почеш ӱдыржылан мланде участкым да илыме пӧртым эрелан пуэн. Тыгодым нуно рента договорым ышташ кутырен келшеныт улмаш. Ӱдыржӧ аважым колымешкыже ончаш товатлен, ава ты пӧртыштак илаш да мланде участке дене пайдаланаш тӱҥалеш манын. Но ӱдыржӧ аважым ончаш оксам пуымым чарнен, ты пӧрт гыч выписатлалташ да тушеч каяш йодаш тӱҥалын.
Титакан еҥ суд заседанийыш толын огыл, исковый йодмаш дене тӱрыснек келшымыж нерген увертарен.
Суд мутым кучышын иск дене келшымыжым шотыш налын, искыште ончыктымо йодмашым тӱрыснек йӧплен. Пӧлеклыме договорым вийым йомдарымылан шотлаш да йодмашым возышылан мланде участке ден илыме пӧртым пӧртылташ пунчалым луктын.
С. ШАНГАРЕЕВА, Бирский межрайонный судын консультантше.