Келшымаш
-20 °С
Пылан
Все новости
Тӱрлӧ
16 Шыжа 2020, 15:07

Пелед, тӱзлане, республик!

9 октябрьыште районысо Культура дворец ончылсо площадкыште Республикын кечыжлан да Мишкан районлан 90 ий темме лўмеш пайрем мероприятий-влак эртеныт

Пелед, тӱзлане, республик!
Игече кеҥежымсе гай мотор шоген. РДК ончылсо площадьыш еҥ-влак эрденак погынаш тӱҥалыныт. Вет тыште пайрем лӱмеш кугу ярмиҥга эртен. Тыштак изак-шоляк Рим ден Дим Галимовмытын пу гыч пӱчкеден ыштыме сувенир-влак выставкышт еҥ-влакым шкеж дек ӱжын.
11 шагат кечывалым Республикын кечыжлан лўмлалтше мероприятий тӱҥалын. Вӱдышӧ-влакын салам шомакышт деч вара мутым район администраций вуйлатыше П. Трапезниковлан пуымо. Павел Владимирович шке выступленийыштыже районын социально-экономический состоянийже, пашаш колтымо у объект-влак нерген ойлен да ончыкылык план дене
палдарен.
Торжественный обстановкышто кужу жап пашам сайын ыштымылан Мишкан район муниципальный район Советын да администрацийын Почетный грамотышт дене наградитлалтыныт: муниципальный район администраций зданийым оролышо С. Александров, районысо Культура дворецын аккомпаниатр-концертмейстерже Д. Аслямов, Мишканысе корным
олмыктышо да чоҥышо управленийын катокын машинистше Ю. Валеев, район администрацийын приемныйжым вуйлатыше Ю. Зандирова, Мишкан рӱдӧ районный больница пеленсе аптека-провизорым вуйлатыше Н. Ибатуллина, «Мишкан ПЖКХ» рӱдӧ котельныйын мастерже Д. Ибаев, рӱдӧ библиотекын лудмо залжын тӱҥ библиотекарьже
Т. Казакова, Мишкан агропромышленный колледжын пашам аралыше специалистше Д. Лукманов, Мишкан районысо сельский поселений-влакын рӱдӧ бухгалтерийын икымше категориян бухгалтерже С. Попова, Мишкан агропромышленный колледжын производственный туныктымашын мастерже Э. Ташмурзин, А. Фатхинуров индивидуальный предпринимательын продавец-консультантше Л. Фаизова, Мишкан районысо башкир-влак Курултай вуйлатышын заместительже Л. Хасанова, «Профлес» ООО-н ужалыме паша шотышто менеджерже А. Хамидуллина, образований отделын паша да техника безопасность шотышто тӱҥ специалистше Б. Шамукаев, «СтройПроект» ООО-н электрогазосварщикше Г. Шаркаев.
Марий литературым да культурым вияҥдымаште суапле надырым пыштымылан Я. Ялкайн лӱмеш премийым С. Салиевалан кучыктымо.
Мишкан калыкым пайрем дене саламлаш Башкортостан Республикысе жилищно-коммунальный озанлык министрын заместительже М. Шангареев толын. Марат Равильевич погынышо-влаклан республикыште паша кузе мийыме нерген ойлен. Выступлений мучашыште тудо районлан ончыкыжымат тўзланаш тыланен да правительственный грамота-влакым кучыктен. Башкортостан Республикысе культурышто шуко ий пашам творчески шуктен шогымылан БР Культура министерствын Почетный грамотыж дене палемдалтыныт: районысо Культура дворецын художник-оформительже Р. Галимов ден районысо Культура дворецыште йоча-влак дене пашам ыштыше методист М. Минилбаева. «Мый йӧратем тыйым, илыш!» илалше еҥ-влакын художественный самодеятельность творчество республиканский фестивальын II степенян диплом дене Ардаш ялысе «Акарт» фольклор калык ансамбль наградитлалтын. Вуйлатыше - Владимир Хамитов.
Торжественный мероприятийын концерт программыштыже «Ӱжара» вокальный калык ансамбль, «Эрвел» куштышо калык
ансамбль, мурызо Олеся Мусалина участвоватленыт.
«Урал патырын тулжо» регион-влак кокласе марафон кышкарыште Уфа ола гыч уна-влак - «Бишбармак» оркестр, «Вкусная» музыкальный группа выступатленыт.
Светлана ТОЙМУРЗИНА.