«Транснефть - Урал» АО ончыкылык инженер-влаклан пӧлекым ыштен

Совет Союз Герой Матвей Пинский лӱмеш 83 №-ан Уфимский инженерный лицейыште у компьютерный класс почылтын. Рашрак каласаш гын, уэмдыме класс - помещенийым капитально олмыктымо да информатика урокым эртараш кӱлшӧ чыла оборудованийым вераҥдыме. Поро кумыл полышым «Транснефть - Урал» АО ончыктен.

Уэмдыме кабинетым почмо годым йошкар тасмам «Транснефть - Урал» АО генеральный директорын заместительже Аскар Аминов, Уфимский государственный нефтяной технический университетын проректоржо Александр Могучев, Уфа оласе городской округын Орджоникидзевский район администрацийын гуманитарный йодыш да образований управленийын начальникше Юлия Мустафина пӱчкыныт.

Предприятийын оксаж дене 16 у компьютерым тийышле программа дене, тыгак йєнан мебельым налме.

«Занятийым эртараш келшыше условий да компьютерный техника тунемше-влаклан информационно-коммуникационный технологийым тунемаш да технический вузлаште шинчымашым шуяш полшышаш улыт. Ончыкыжым нуно нефтепроводной отрасльын специалистше-влакым пойдараш тӱҥалыт», - палемден лицейын директоржо Алла Цыбина.

«Транснефть - Урал» лицейын матреиальный базыжым пойдараш ончычат полшен. Предприятийын оксаж дене физика дене лабораторный занятий-влаклан средства-влакым, интерактивный экранным налме.

Уфаште 83 №-ан лицей 1957 ийыште почылтын. 2003 ий гыч тудо Уфимский государственный технический университетын шулдыр йымалныже пашам ышташ тӱҥалын. А тиде университет «Транснефть - Урал» АО дене пеҥгыде кылым куча. Лицейын воспитанникше-влак тыгай направлений-влак дене тунемыт - физико-математический, химико-математический, информационно-технологический, инженерно-экономический. Лицей деч вара нуно экономический вузлаште шинчымашыштым пойдарат.