Келшымаш
-29 °С
Пылан
Все новости
Тӱрлӧ
5 Шыжа 2020, 18:13

«Транснефть – Урал» АО-н метрологшо-влак эн сайлан шотлалтыныт

«Транснефть – Урал» АО-н метрологшо-влак эн сайлан шотлалтыныт

«Транснефть – Урал» АО-н метрологшо-влак эн сайлан шотлалтыныт
Нуно моло компаний-влакым ончылтымыштлан «Транснефть» ПАО диплом дене палемдалтыныт
«Транснефть» компанийыште шўдӧ тўжем утла еҥ пашам ышта. Пашаштыже ик эн тўҥ задача – нефть ден нефть продуктым магистральный трубопровод дене аварий деч посна да чарныде колтен шогаш. Нефтым тулышо компаний-влак деч налме, тудым НПЗ-ыш сдатлыме да экоспортыш колтымо, переработчик-влак дечын налме да моло пашаштат точный учет деч посна нигузат ок лий. Тидым ышташ жаплан келшен толшо оборудований полша. А оборудованийым посна специалист-метролог-влак эскерат. Нунын пашашт идалык еда аклалтеш. Шукерте огыл 2019 ийысе пашам иктешлыме.
Специалист-метролог-влакын пашаштым аклыме годым тудым чыла могырчынат тергыме. Чолга кучедалмаште эн сайлан «Транснефть – Урал» АО-н специалистше-влак сеҥеныт. Тидын нерген онлайн-формат дене эртыше совещанийыште увертарыме. Предприятийын метрологшо-влак «Транснефть» ПАО-н дипломжым сеҥен налыныт.
Тайыче кечылан предприятийыште 56, 6 тўжем текшырыме средстваже уло, тушечын 26 тўжемже шке вий дене тергалтеш да калиброватлалтеш. «Транснефть – Урал» компанийын метрологический службыштыжо кўкшӧ квалификациян 51 тўжем еҥ ышта.
Каласен кодыде ок лий: тиде сеҥымаш кампанийын икымше сеҥымашыже огыл. «Транснефть – Урал» АО 2018 ийыштат метрологий службысо пашам шуктымаште ончыл верыште лийын.