«Транснефть - Урал» АО-н пашаеҥже-влак «Тўнямбал арулык кече#Ыштена2020» акцийыште участвоватленыт

Тыгай акций Башкирийыште, Курган да Челябе областьлаште эртен

«Ыштена!» тўнямбал арулык кече – волонтер акций. Тудо обществым, государствым, СМИ-м да бизнесым шўк дене кучедалме пашаке ушаш виктаралтын. Акций кышкарыште утларакшым чодыра, алан, эҥер да ер серла эрыкталтыт. Шўк ойыралтын погалтеш.

Нефтьым перерабатыватлыше Арлан управленийын (НУ) 40 утла пашаеҥже филал управлений зданий, Кутерем, Чекмагуш да Андреевка илемлаште «Калтаса» да «Чекмагуш» линейный производственно-диспетчерский станцийла (ЛДПС), «Андреевка» нефть продуктым тулышо станций (НПС) воктене экологический субботникым эртареныт. Чылаже 200 кг шўкым погымо.

Черкасс НУ ден Аварий-влакым ончылгоч да эҥгекыштым кораҥдыме шотышто посна управленийын пашаеҥже-влак Сеҥымаш паркыште Дежнев тошкалтышым тзатеныт да шўкым эрыктеныт. Зубово ял калык, верысе администраций, Уфа районысо озанлык управлений дене пырля Ӱпӧ-Чишма корно тўр ден Уфа районысо Нижегородка села воктене Дема эҥер серым эрыктеныт. «Улу-Теляк» ЛПДС пашаеҥ-влак Иглин районысо Ауструм селаште площадьыште 30 пушеҥгым шынденыт, «Кропачево» ЛПДС-н коллективше им эҥер воктене шўкым погеныт. Тыгак Кў вончыш воктене Ӱпӧ эҥер серым эрыктеныт.

Туймаза НУ пашаеҥ-влак производственный объект воктенсе территорийым тўзатеныт, управлений аппарат пашаеҥ-влак Горький уремым эрыктеныт, «Субханкулово» ЛПДС ден «Субханкулово-ПП» НПС станций воктенсе корным эрыктеныт. «Салават» ЛПДС пашаеҥ-влак Ош Виче серыште шўкым погеныт. «Шкапово» НПС пашаеҥ-влак – Сухоречка селасе паркыште. «Мраково» НПС пашаеҥ-влак тиде села гыч ТБО полигон марте корным эрыктеныт.

Субботникыш «Транснефть – Урал» АО-н Челябе да Курган областьлаште верланыше подразделенийже пашаеҥ-влакат ушненыт.

Экологический акцийыште «Транснефть – Урал» АО-н 250 утла пашаеҥже участвоватлен, шагал огыл техникым кучылтмо.Субботник годым пашаеҥ-влак чыланат индивидуальный аралтышым кучылтыныт да санитарно-эпидемиологический йодмашым шуктеныт.