Нефтепроводчик-влак тӱнямбал выставкыште у оборудованийым ончыктеныт

«Газ. Нефть. Технологии» тнямбал выставка республик ден топливно-энеергетический космплекс предприятий-влаклан эре кугу событий. Тудо уже коло кандашымше гана да утыр оҥайрак эрта. Тений тыгай мероприятийым эртараш пандемият чарак лийын огыл – выставкын жапшым веле кусарыме.

Тушто современный оборудований, передовой решений, оҥай разработака-влак лийыныт – выставкын кажне участникше эн сайыжым ончыкташ тыршен. «Транснефть» компанийын ужашыжлан шотлалтше «Транснефть – Урал» АО-н стендыштыже ныл у оборудований лийын – нунын дене предприятийын инженерже Данир Ахмеров выставкыш толшо Башкортостан Республик вуйлатыше Радий Хабировым палдарен.

Выставкыште оҥайлык шуко лийын. Мутлан, 8 тӱжем киловатт куатан синхронный взрывоззащищенный электродвигатель да вертикальный подпорный насос. Тиде импортым вашталтыме пашан лектышыже. «Транснефть тиде пашам шукерте шукташ тӱҥалын. Тыгай насос ден электродвигатель-влакым (тыгак моло модель-влакым) пытартыш ийлаште Челябе олаште чоҥымо кок заводышто луктыт. Оборудований тӱнямбал стандарт-влаклан келшен толеш да ўшанле улеш – пел курым наре пашам ыштен кертеш. Насосым тӱрлӧ вере кучылташ лиеш.

- Тӱҥ фондым уэмдымылан кугу верым ойырена. Мутлан, пытартыш 3 ий жапыште Башкортостан Республикыш производственный мощность-влакым уэмдаш 27 миллиард утла теҥгем колтенна, - палемден «Транснефть – Урал» АО-н тӱҥ инженерже Данир Ахмеров. – Выставкыште импортым вашталтыме кышкарыште ыштыме насос ден электродвигатель-влак верланеныт. Тыгак тӱнямбалне моло вере уке оборудований-влак улыт. Тӱҥжӧ – чыла оборудованият Российыште – «Транснефть» компанийын предприятийлаштыже ышталтеш.

Эше ик оҥай оборудований – шахтный сынан геретизироватлыше камер. Тудо 25 метр йымалне кийыше 300 гыч 1200 мм диаметран трубопровод-влакым олмыкташ кучылталтеш. Рынкыште тыгак комбинированный магнитно-ультразвуковой дефектоскоп уке. Тудын полшымо дене трубопроводым тўрлє йєн дене текшыраш лиеш.

«Транснефть – Уралын» стендыштыже, конешне, у техника дене веле огыл палыме лияш йєн лийын, выставка «Транснефть» компанийын моло пашаж денат палдарен. Мутлан, промышленный безопасность да производственный текшырымаш дене. Вет 2020 ий «Транснефтьыште» лач тыгай паша-влаклан лўмлалтын.