Келшымаш
-10 °С
Пылан
Все новости
Тӱрлӧ
18 Сентябрьыште 2020, 16:23

Эрласе кече верч

13 сентябрьыште районышто Мишкан район МР советыш депутат-влакым сайлыме.

Эрласе кече верч
13 сентябрьыште районышто Мишкан район МР советыш депутат-влакым сайлыме.
Коронавирус шарлымылан кӧра общественный верлаште кошташ лўдыкшӧ пытен огыл гынат, сайлыше-влак, чыла санитарный нормым шуктен, йӱклымашке миеныт да келшыше кандидатым сайленыт.
Ф. Буляков лўмеш 1 №-ан лицейыште верланыше 2656 №-ан участок шке омсажым шым шагат эрдене почын. Тиде участкыште чылаже 1542 сайлыше регистрироватлалтын. Йўклымашке икымше гана 34 самырык еҥ толын.
Тиде сайлымаш участкыште кӧлан йўклымым КОИБ шотлен. 11 шагатлан тушто сайлыше-влакын 30 процентше йўклен. Тиде кечын комиссий пашажым сайын шуктен. Комиссийын председательже З. Ахмадуллина лийын, секретарьже – Н. Аспаева. Сайлымаш участок 21.00 шагатлан петыралтын. Омсам петырымеке, йўкым шотлаш тўҥалыныт.
Уялыште верланыше 2651 №-ан сайлымаш участкышкат калык кумылын йўклаш миен. Йўклымє годым туштат чыла санитарный йодмашым шуктымо. Ончыч сайлыме деч вара калык, пырля погынен, кужу жап мутланен шоген гын, кызыт чыланат мӧҥгеш вашкен ошкылыныт. Чыланат умылат – лўдыкшӧ жапыште лучо сак лийман да еҥ коклаште утыж дене коштман огыл.
Рӱдӧ районный библиотекыште верланыше 32654 №-ан сайлымаш участкыште 11 шагатлан сайлыше-влакын 20 процентше
йўклен. Тыштат комиссий шке пашажым сайын шуктен. Комиссий председатель Алена Иванова сайлымаш кампанийым икымше ой огыл виктара. Тудын ятыр ий ыштыме опытшо ончылнышт шындыме задачым шукташ полша.
Сайлымаш кечын эн неле пашаже, конешне, территориальный сайлымаш комиссийын пашаеҥже-влакын вачўмбакышт возын.
Коронавирус шарлыме жапыште сайлымаш кампанийым кўлеш семын эртарен колташ да калык ик вере шуко чумыргымымат кораҥдаш кўлын. Тидлан кєра районысо уло калык лўм дене нунылан тау мутым ойлымо шуэш.
Вениамин КОНДОГИН.
• • •
Военкомат зданийыште верланыше 2657 №-ан сайлымаш участкышке калык эрдене эрок – омсаже почылтмо жап гычак
погынаш тӱҥалын. Йўклаш ончыл радамыште БР-се Мишкан район МР советын депутатше Сергей Нуриев толын.
Сайлымашке эрок толшо-влак коклаште Наталья Яковлевна Яшпаева ден 1941 ийыште шочшо Борис Апканиевич Апканиев
лийыныт. Шагал огыл ийгот нунылан чаракым ыштен огыл. 71 еҥ тазалыкшылан кєра сайлымашке миен кертын огыл, но
нунат, урным суртышкышт намийымылан кєра, конституционный порысыштым шуктен кертыныт.
2 №-ан Мишкан кыдалаш школышто верланыше 2653 №-ан сайлымаш участкышкат калык кумылын миен.
- Сайлыше-влак алал кумыл дене толыт. Паша сайын эрта, - ойла комиссий председатель Анжелина Яманаева.
Тыште эн ондак Фанит Ахмеров йӱклен. Ончыл радамыште тыгак 1939 ийыште шочшо Алефтина Исанбахтиновна Мазитова
йўклен. А Камила Ахмерова сайлымашке икымше гана толын. 15.00 шагатлан сайлыше-влакын 45 процентше йўклен.
Светлана ТОЙМУРЗИНА.
• • •
2645 №-ан сайлымаш участкын омсажат эрдене эрок почылтын. Тушто Урьяде, Сабай, Башбайбак яллаште илыше-влак
йўкленыт. Сайлыше-влак спискышке чылаже 335 еҥ пурен. 12.30 шагатлан участкыште 97 еҥ йӱклен, суртышто йўклаш
40 йодмаш пурен. Комиссийын членже-влак сайлыше-влакым алал кумылын вашлийыныт, тидын годым коронавирус шарлымым сорлыклаш полшышо чыла мерым приниматлыме.
Кемий ялыште верланыше 2648 №-ан сайлымаш участкыште сайлыше-влакын спискышкышт 612 еҥ пурталтын. Нунын кокла гыч 30 еҥже ончылгоч йўклен, 63 еҥ суртыштыжо йӱклаш йодмашым возен.
Индеш еҥ гыч шогышо комиссий шкенжын пашажым кӱлеш семын шуктен. 13.00 шагатлан Кемий да руш Байбак яллаште
илыше 120 еҥ йўклен. Сайлымашке мийыше-влак сак лийме нерген пален шогеныт – участкышке чыланат маскым чиен миеныт.
Фирдаус КАДИКОВА.