«Мӱй - ветеранлан»

Кугу Отечественный сарын участникше-влаклан элыштына «Мӱй - ветеранлан» всероссийский акций эрта.

«Мӱй - ветеранлан»

Тиде акций кышкарыште мӱкшызӧ-влак кугу сеҥымашым лишемдыше ветеранна-влакым мӱй дене сийлат.

Таче Мишкан районысо Кугу Отечественный сарын ветеранже-влак Павел Байметович Байметов, Алей Семенович

Семенов да Николай Апаевич Апаев деке кугу Соказа ял гыч мӱкшызӧ Александр Саликов тамле кєстенечше дене толын,

тудын воктен Кӱрзе, Кугу Соказа да Ирсай сельсовет сельский поселений вуйлатыше-влак Ю. Андреева, С. Сергеев, С.

Хазиев, районысо ял озанлык отделын тӱҥ зоотехникше Э. Яшпаева, районысо ветеран-влак совет председатель Ю. Балахнина лийыныт.

Эше кок ветераным - Габдулислам Гимадрисламович Нурисламов ден Тимергали Гильманшович Гильманшиным мӧҥгыштышт учырен кертын огытыл, сандене нунылан мӱйым да мӱйвурам сельский поселений вуйлатыше-влак кучыктат.

Районысо мӱкшызӧ-влак Александр Чечулинлан, Ирина Саликовалан, Александр Алкиевлан, Юрий Изибаевлан, Александр Саликовлан тыгай тамле продукцийым пуымыштлан кугу таум каласена.

Тиде акций районысо ял озанлык отдел да Мишкан районысо мўкшызє-влак общество дене эртаралтын.

О. КИЛЬМАКАЕВА.