Корнылан кугу тау

Мишкан селаште икмыняр уремыште асфальтым вакшме

Корнылан кугу тау

Кеч-могай илемланат вияҥаш да кушкаш полшышо инфраструктурылан ондак корно шотлалтеш. Корно лиеш гын, илем кушкеш. Калык илаш йӧным муэш.

Корно ок лий гын, кеч-могай кугу илемат пыта. Кызытсе саманыште корныдымо илемым ни мотор пӱртӱс, ни мланде поянлык утарен огыт кодо. Тидлан кӧра корным чоҥымо да олмыктымо пашалан кугу вер ойыралтеш. Изирак яллаште асфальтым вакшаш, конешне, йӧн уке. Но Мишкан села олян-олян тӱзлана, урем-влак саемыт да асфальт дене вакшылтыт. Тений Пушкин, Луговой, Северный, Молодежный уремлаште илыше-влакым куандарыме.

- Мишкан сельсовет сельский поселений администраций ден нине уремлаште илыше-влак верчын кугун тыршыше депутат Николай Яваевлан чон гыч лекше тау мутым ойлымо шуэш. Иктаж полыш кӱлеш гын, депутат эре полшаш ямде, еҥым пытартыш корныш ужаташат полша. Тудын тыршымыжлан кєра мемнан да Матросов уремыште илыше-влакын у водопровод уло. Кок ий ончыч лавырам тошкен коштмым чарненна – корным каръерьный материал дене вакшме, тений гын – асфальт дене, - ойла Пушкин уремыште илыше, пашан ветеранже Петр Николаев.

Асфальт корно мемнан – Молодежный уремыште илыше-влакымат куандарен. Меат «Башкиравтодор» АО-н филиалже – Мишкан ДРСУ-лан, сельский поселений совет депутат Юрий Александровлан, Мишкан сельсовет СП администраций вуйлатыше Рустам Ишмакаевлан тау мутым ойлена, нунын тыршыме дене Мишкан села утыр тўзлана да моторештеш.

Фирдаус КАДИКОВА.