«Башкортостаным йӧратем»

Мишкан селасе Сабантуй олыкышто тыгай лӱман арт-объект верланен.

- Мишкан селан у визитный карточкыжо шочын – «Башкортостаным йӧратем» лӱман арт-объект. Мый ӱшанем: районысо калыклан тудо келша да чыланат тышке кумылын толаш тӱҥалыт, - каласен Ф. Ахмеров.

У арт-объект кок метр наре кӱкшытан улеш. «Йӧратем» мут олмеш тушто «шӱм» пижыкталтын. Композиций Сабантуй олыкын сынжым ок локто, мӧҥгешла, сылнештара веле.

«Башкортостаным йӧратем» лӱман арт-объект-влак БР правительствын кӱштымыж дене республикысе 22 районышто вераҥдалтыныт.

Светлана ТОЙМУРЗИНА.