«Транснефть - Урал» АО республикысе вўдлашке нуран (стерлядь) колиге-влакым колтен

Кодшо кечылаште «Транснефть - Урал» АО Башкортостан Республикысе вўдлашке - Пўрӧ ола воктенсе Ош Виче эҥерыш да тушко ушнышо моло эҥерлашке, тыгак Караидель районысо Павловский водохранилищыш нуранголиге-влакым колтен.

Колиге-влак Пермь кундемысе колым ашныше рўдер-влак гыч кондалтыныт. Тидлан лўмын ыштыме транспортым кучылтмо. Тыгай транспортлаште коллан илаш чыла шотыштат йєнан контейнер-влак шындалтыныт. Колигын кокла нелгытше - 3 грамм. Нурангол-влак республикысе эҥерлашке вўд поянлыкым ешараш кондалтыныт.

Колигым вўдыш колтымым «Транснефть - Урал» АО-н экологический безопасность да пўртўс поянлык дене пайдалыныме шотышто отделын да Кол шотышто федеральный агенствын Средневолжский территориальный управленийжын Башкортостан Республикысе вўд биологический поянлыкым аралыме, нуным текшырыме да контрольышто кучымо шотышто государственный отделын представительже-влак дене пырля эскерыме. Специалист-влак колиге-влакым вўдыш колтымо годым тазалыкышт сай улмым пеҥгыдемденыт.

Вўдысӧ биологический рессурсым искусственно пойдарыме шотышто мероприятий экологийлан эҥгекым кондымо экшыкым тєрлышашлан лўмын ямдылыме программа почеш эртаралтын.

Тыгай программыжым «Транснефть» ПАО 2019 -2020 ий-влаклан ямдылен.

«Транснефть - Урал» АО вўд поянлыкым аралымаште ик суапле пашам шуктен шога. Августын икымше пелыштыже предприятий Тюмень областьысе вўдлашке (199 тўжем) да Саратов да Самара областьласе вўдлашке (16,6 тўжем) колигым колтен.