«Транснефть - Урал» АО-н коллективше Башкортостан Республик вуйлатышын наградыж дене палемдалтын

«Транснефть - Урал» АО-н коллективше Башкортостан Республик вуйлатышын наградыж дене палемдалтын

Профессиональный пайрем - Нефтянной да газовой промышленность пашаеҥын кечыже - вашеш «Транснефть - Урал» АО производствышто кугу сеҥымашыш шумылан да регионым социально-экономический вияҥдымаште суапле надырым пыштымылан Башкортостан Республик вуйлатыше Р. Ф. Хабировин Тауштымашыж дене палемдалтын.

Тауштымаш «Транснефть - Урал» АО-н генеральный директоржо Р. Н. Ковалевлан республикысе топливно-энергетический комплексым вияҥдыме шотышто правительственный совещанийыште кучыктымо.

«Транснефть - Урал» АО «Транснефть» системыште ик кугу организаций улеш. Тудо ынде 70 ий Российын кандаш регионжо да Йўдвел Казахстанысе магистральный трубопроводын кумда сетьше дене нефтьым да нефтепродуктым транспортироватла. Предприятийын куд филиалже гыч Башкортостаныште нылытше верланен: Туймазинский, Черкасский, Арланский нефтепроводной управлений-влак, тыгак магистральный нефтепроводлаште аварий лийшашым ончылгоч кораҥдыме да лийше аварий-влакын экшыкыштым тєрлымє шотышто специализированный управлений. Республикыштына 4 тўжем километр магистральный трубопровод эрта. Тидыже предприятийын улшо чумыр трубопровод гыч пелыже утла. Мутлан, Уфасе да Салаватысе нефтьым перерабатыватлыше заводлашке нефтьым колта, тыгак НПЗ деч нефтепродуктым эл кєргысє потребитель-влаклан да экспортыш колташ налеш.

«Транснефть - Урал» АО шуко еҥлан пашам пуышо да кугу налогым тўлышылан шотлалтеш. 2019 ийыште республикын бюджетышкыже 2,835 миллиард теҥге налог пурен. 2020 ийыште тиде показатель 2,953 миллиардыш шушаш. Коллективыште 7 тўжем еҥ пашам ышта, тушечын 4,2 тўжем еҥже республикыште тырша. Башкортостан Республикысе предприятийлашке капитальный вложенийын кугытшо пытартыш кум ий жапыште 27 миллиард теҥге лийын: акционерный общество инфраструктурым да производственный объект-влакым чулымын уэмден шога, ончыл технологий-влакым кучылтеш, механотехнологический оборудовании й паркым уэмда. «Транснефть - Урал» АО Башкортостаныште кадр-влакым ямдылыме шотышто вўдышє образовательный учреждений-влак дене пеҥгыде кылым куча.

Предприятийын полшымыж дене республикыште пеш шуко социально кўлешан объект-влак чоҥалтыныт. «Транснефть - Урал» АО благотворительный проектлаште чолган участвоватла, тудын пашаеҥже-влак волонтер движенийыште участвоватлат.