Школ-влак омсаштым почыныт

Школ-влак омсаштым почыныт

Икымше сентябрьыште кужун вучымо торжественный линейка эртен, но… чыла тунемшылан огыл. 1, 9 да 11 класслаште тунемше-влаклан гына, кажне паралельлан посна жапыште Шинчымаш кече чынжымак пайремыш савырнен.

Лицейыште эн ончычак Шинчымаш кече дене саламлымашым 9 классыште тунемше-влак налыныт. Тений 9 классыш толшо

65 ученик гыч шукыжлан, очыни, йӧратыме школыштышт пытартыш ийым эртараш перна.

Индешымше класс-влаклан тыгай тыланымаш-влак йоҥгеныт: сеҥымаш, шкалан ўшанымаш да тиде тунемме ийыште чын корным ойырен налаш, кыдалаш але кыдалаш-специальный образованийым налаш.

Тунемше-влак пеҥгыдемдыме шке классышкышт Всероссийский онлайн урокыш каеныт, латикымше классыште тунемше-влаклан саламлымашым налаш черет шуын. Нуным саламлаш Мишкан район администраций вуйлатыше П. Трапезников толын.

Павел Владимирович ончыкылык выпускник-влаклан экзаменым сайын сдатлаш, высший учебный зведенийлаште тийышле

шинчымашым налын, шочмо районыш пӧртылаш тыланен.

Лицейын директоржо Е. Малмыгин шке выступленийыштыже палемден: 2020 ийыште школым тунем пытарыше 34 выпускник гыч 27 еҥже высший тунемме заведенийыш тунемаш пурен.

Тений латикымше классыште тунемше 27 учениклан школысо пытартыш ий лиеш. А школыш икымше гана толшо 66 ӱдыр

ден рвезылан 2020 ийысе мотор, шокшо кечан 1 сентябрь ӱмырышт мучкылан шарнымашеш кодеш.

Вет нуно ты кечын Шинчымаш тӱнян икымше тошкалтышышкыже шогалыныт.

Тений икымше классыш толшо-влаклан С. Бикмухаметова, Д. Валиева, Р. Хазиева кокымшо авашкышт савырнат.

«Солнышко» 1 №-ан йоча садын воспитательже Ирина Фаритовна Карамова ден икымше туныктышышт Руфина Миндияровна Хазиева илышын у тошкалтышышкыже шогалмышт дене саламленыт. Икымше классыш толшо йоча-влакын ача-авашт лӱм дене Татьяна Владимировна Бикбулатова саламлен да тыланымашым ойлен.

Икымше сентябрьыште эртыше кум торжественный линейкым икымше звонок иктешлен. Тудым пуаш шуко гана КРИТ дене

районный конкурсышто, картинг, спортивный ориентирований, парашютный ямдылалтмаш, баскетбол, йоча-юношеский военно-патриотический общественный движенийын чолга участникше,

11 классыште тунемше Дмитрий Шамаев ден икымше классыш толшо Дарья Ветлиналан ӱшаныме.

2-8 класслаште, 10 классыште тунемше-влаклан Шинчымаш кече онлайн йєн дене эртен.

Светлана ТОЙМУРЗИНА.