Пошкырт кундемын шочшыжо-влаклан полшыман

Пошкырт кундемын шочшыжо-влаклан полшыман

Кугарнян, 14 августышто, Мишкан районыш Россий Федераций Кугыжаныш думын «Единый Россий» партий деч депутатше, российысе теле- да радиовӱдышӧ, журналист Инга Альбертовна Юмашева толын.

Инга Альбертовна 2020 ий февраль гыч «Башкирийын калыкше – регионын калыкше» проектым вуйлата. Тудо Башкирийыште шочын-кушшо, но моло кундемлаште илыше еҥ-влаклан тӱрлӧ полышым ончыкташ ышталтын.

Мемнан районышто Инга Альбертовна ондак район администраций вуйлатыше П. Трапезников дене вашлийын. Варажым

вашлиймашке марий историй да культура рӱдер вуйлатыше А. Ибулаев, «Путник» ЦДЮТ да Э директор В. Князев ушненыт. Нуно уналан районысо илыш, пӱртӱс поянлык, марий калык йӱла да культура дене палдареныт. И. Юмашевалан поснак Алексей Ибулаевын выступленийже келшен. Тудо уна ончылно шке кидше дене ыштыме тӱрлӧ марий семӱзгарым шоктен.

Венера АГЛЯМОВА.