Фонтан почылтын...

Фонтан почылтын...

Август тӱҥалтыште шокшо игече адак мемнам куандарыш. Райцентрысе «Ава ден икшывыже» паркыште ты кечылаште фонтан почылтын.

А тудын почылтмыжым еҥ-влак шошо жап гычак вученыт. Фонтан йыр вераҥдыме теҥгыллаште кечын еҥ-влак шукын погынат. Поснак йоча-влак чот куаненыт. Нуно чыргыктен лекше вӱдым кучаш тӧчат. Эсогыл кугыеҥ-влак коклаште «тале» марий лектын, икымше кечыштак тушко йўштылаш пурен.

Игече йӱкшыктымӧ дене фонтан гыч вӱд йогымым чарнен. «Куван кеҥеж» жапыште тудо уэш еҥ-влакым куандараш тӱҥалеш манын ӱшанена.

Венера АГЛЯМОВА.