Келшымаш
-9 °С
Лум
Все новости
Тӱрлӧ
30 Сӱрем 2020, 11:28

Корно пашаен-влак арам огыт тырше

Тўрлє жизнеобеспечений служба пашаен-влак самоизоляций жапыштат суртыштышт огыт шинче да шке пашаштым чарныде шуктен шогат

Фидан Фаритович Фатыхов вуйлатыме дорожный службат пашажым чарныде да кўлеш семын шукта. Самырык, но мунло вуйлатыше кўчык жапыште коллективым пенгыдемден да пашалан кумыланден кертыт. Организаций уло вийжым корным олмыкташ да чонаш пышта. Пашам тыршен ыштымыштым плановый производственно-экономический показатель-влак пенгыдемдат.
Коронавирус шарлыме жап илышыштат, пашаштат вашталтышым пурташ йодеш, тидлан кєра корно пашаен-влак техникыштым паша сезонлан писын ямдыленыт, корныш шавыме материалымат юватылде аныкленыт. Тыге пашаштым жапыштыже тўналын да палемдыме задачыштым экшык деч посна шуктен кертыныт.
Пашам ик вере веле огыл, тўрлє вере шукташ тыршат. Мутлан, ик мобильный бригада Мишкан селаште лаке-влакым тєрла гын, вес бригада Пўрє-Тастуба-Сатка корным чона. Тушто чылаже 4 километр кужыт корным уэмдыме.
Идалык тўналтыш гыч 42 миллион тенгеаш пашам шуктымо. Тиде кодшийсе показатель дечын ятырлан шукырак.
Палемден кодымо шуэш: асфальт-бктон завод сай могырчын єрыктарен, И. Давлетшин вуйлатыме верысе АБЗ тений 3056 тонн асфальтым ямдылен. Тиде кодшийсе дечын 700 тоннылан шукырак. Тыгай показатель корно пашаен-влаклан шукырак задачым шукташ полшен да шке вийыштлан ўшаным ешарен. Тиде коллектив деке унала миен толын, мыят нунын ятыр пашам ыштен кертмыштлан ўшанышым.
...Илалше-влак каят, нунын олмеш самырык, чолга пашаен-влак толыт. Туге гынат корным чонымо пашаште ончычсо йўла ок вашталт – корным чонымаш паша районыштына да республикыштына ик эн кўлешан паша. А Мишкан районысо корно пашаен-влакын тудым чонаш усталыкыштат, йєныштат уло.
Сай могырчын тиде отрасльыште тыршыше тыгай пашаен-влакым палемдыме шуэш: мастер В. Ташбулатовым, корно пашаен-влак А. Биктубаевым, А. Саркиевым, КамАЗ-ым виктарыше-влак Г. Самигуллиным, А. Ефремовым, машинист укладчик Д. Самигуллиным, каток машинист-влак Р. Загидуллиным, Ю. Валеевым.
Шке пашажым А. Фатхинуров вуйлатыме кокымшо бригадат сайын шукта. Тушто корно пашаен-влак А. Кугубаев, П. Павлов, водитель-влак Р. Аллаяров, В. Александров тыршат.
Корным олмыктымаш – ик паша, нуным эскерымаш – весе. Тиде пашам посна ен-влак шуктат. Р. Насибуллин корно тўрым сола. О. Баязова, С. Шамурзанов, Р. Гарифуллин павильон, трос огражденийым-влакым чиялтат, корно тўр-влакым мотокоса дене солат. Битумым шупшыктышо Э. Васильевымат палемдыде кодаш ок лий. Вет битум асфальтым ыштымаште да корным тєрлымаште ик эн кўлешан материал.
Асфальт ден бетоным ыштыше завод посна организаций семын улеш. Тыште шошо тўналтыш гыч шыже мучаш марте паша чарныде шолеш. Производственный участкым И. Давлетшин вуйлата. Тудлан Р. Гадрахманов, А. Мусалин полшат. Погрузчик дене В. Ташбулатов, В. Байдимиров тыршат, бульдозер дене – Ф. Мустафин. Тиде участкыште тачак телым корным эскерыме нерген шонат. Йўштє толмо жаплан 4 тонн ошма-шинчал вартышым ямдылыме.
Корно пашаен-влак корным чонаш да олмыкташ веле огыл уста улыт, нуно техникымат эскерен, тўрлє материалымат пайдалын кучылтын моштат. Тидлан кєра рентабельностьышт 8 процент, а тиде шагал огыл.
В. КОНДОГИН.